هي راحت وابوية جمع اخواني كلهم بالاستقبال
يريد يشوف حل لحال ميثاق وكل شوية
اسمعه يصرخ بواحد بيهم
_ ليش نصلي ونصوم ونكسر گلب بنت وام احفادي هاي
صح غلطت بس كلبي ما ينطيني انام على مخدة ظالم .
لمهم كلهم وراحوا على بيتهم بس علي الآكبر بدون لف ودوران رفض
ظل بالمطعم وبين البيت وامي تروح تحجي وياه على صار هو بس يستمع .

بقيت اكمل بشغل الثاني يوم رجعت داومت
بس دخلت للساحة صار گدامي يلهث من النظافة ابن الرياش
رحت اريد اشتري اخذت كم شغلة اريد ارجع الغرفة المعلمات
وهو يخابر من وصلت قريب منه سد الخط همست
_ اليوم الصباح مو خير دام صبحنا بهل وجوه .
_ نيال بختچ لو صبحتي بوجهي ، صباحچ صار بوجهه
علي الآكبر هذا شايل خرزة مشاكل يعني بالصافي اربع مشاكل اليوم .
_ نعم منووو حاجي وياك ؟ وليش تحجي على اخوية .
_ اخ منك يالساني شلون يريد يسطر حجي ، انتِ تتحارشين امشي منا .

اشرت على نفسي ورجعت عليه رافعه حاجبي بتحدي
_ هاي عليَّ امشي منا .
_ امشي منا يلة امشي توكلي .
اريد احجي عافني وهوَّ راح بقيت بحالة ذهول بس صافنة
دگ الجرس عقلي مو متزن واختنگت اريد هذا هذا النفس شنو النفس
بعد ما اگدر اجره عود شنوووو هيچ يعملني اول مرة يسويها .

صار الاصطفاف بكل مرة يحوم عليَّ هل مرة حتى صفي ما يشوفهم
لو ينزل راسه لو يتكتف ويرفعه ليفوك ويحك بطرف انفه
ما صدگت شلون خلص ورجعنا للصفوف ، واني اشرح اشوف بالشباك
ماكو مايفتر كل يوم ياخذ الساحة فر اذا ما يدخل على صف
يخابر هناك مقابيلي باقي گدام عيوني ، بس كملت الدرس طلعت
هوَّ هم طلع من صف صاير مقابيل صفي تبعدنا الساحة
من شافني نزل راسه وضحك بغرور ، ومصيبتي كالشريط مرت
يعني چان يراقبني ادور علية واطلع براسي حتى تدريس بي خير
ما درست انوووب متشمت ابن اااخخ مني اخخ .

رحت للمديرة شفته گاعد غيرت طريقي صاحتني ردت اطم روحي
سلمت وفتت وهوَّ گاعد يشرب جاي ويتريگ وياها
_ ست شهد عزلت الج الأقلام والسبورة الجديدة والرحلات
ومن باجر يطلعون عمال اثنين يصبغون شعبتچ مثل ما طلبتي عيوني .
_ شكرا ست خولة مقصرتي واني هل يومين اكمل الفصل
حتى مثل ما متفقين اخذ الاجازه .
انــور : ست خولة الكادر كله مايطلب إجازة من
اجيت لليوم بس ست شهد .
خولة : هههههههه عدها ظروف وابوها صديق عزيز .
انــور : شعدها ظروف شو رجل وماكو اطفال ماكو .
شهد : شلون عرفت رجل ماكو اصلا اني اخذت اجازة
علمود اجهز خطوبتي الخميس الجاي استاذ انــور ومعزومين كُلكم .

حجيتها وداخلي يون ويغم بيَّ وهوَّ وجهه صار ينطي ألوان
عضيت شفايفي من استوعبت حجم الجفصه العميقة وتمنيت
انخطب ولا اطلع جذابة گدام هل مدگدگ ، ضحكت بوجهه
حتى ابين الموضوع حقيقي وهمست بس صوتي الله يسلمه اعتزل
_ اترخص منكم كملوا اكلكم هني ومري ان شاء الله .
خولة : اگعدي ويانا ست شهد ليش تروحين .
_ لا عيوني سبقتكم أكلوا أكلوا بالعافية .

طلعت رافعه راسي رديت الصاع صاعين بس وگعت روحي
بمصيبة ، طلعت امشي لا مو امشي اركض للحمامات
خابر على دُر مشغول ضربت على خدي انفضحت
سبقني خابرهاااا راح يعرررف يبوووووو عليَّ وعلى الشماتة
بقيت اخابر بيها الى ان جاوبت جسمي فقد من الخوف احجي عبالك
اركض وخطودي تطلع منها نار الخجل
_ دُر منو يمچ ؟
_ بعدني بالجامعة شصاير شهد ؟
_ انــور خابرچ ؟
_ اني وياچ على مكالمة وهوَّ دا يخابرني شبيكم ؟
_ لچ دُر اذا عندي خاطر يمچ بداعت علي الآكبر
بشنووو احلفچ حبابة دُر حبابة لا تفشليني وياه .
_ خليني اگعد الواضح شي خطير صاير.
_ دُر جذبت جذبة جبيرة من وراه هذا اخوچ گلت الخميس الجاي
خطوبتي مو خطوبة سراج الدين ، واذا بعرف جذب يسوين مضحكة .
_ يوووو والنبي تصيرين بلسان انــور يلعب لعب .

طلعت من الحمامات واشوفه اجه بتجاهي يمشي سريع والسترة
تهفي ردت اطم روحي من الخوف رفعت راسي واني احجي وياها
_ يمههههه اجاني لچ اجاني دُر القران عليچ حلفتچ بعد .
وصل يمي اشر بيده منو وصار بصفي كلششششش
_ ها شبيك حامي وشايط وفايت هيچ امشي منا يلة امشي .
_ يا خطوبة بنت صفوان يا خطوبة غير اخلي منطقتكم
والعراق كله يسولف بيكم .

عفته اريد اروح صاح بيَّ بقيت أتلفت خجلانة
_ اووووكفي من احجي وياچ انتظرررري راح افقد عقل عقلي هسة
اني اريد ارتكب كارررررثة لچ حاجيني .
_ اسمع استاذ انــور أتفضل .
_ تحبين تنخطفين انتِ اكسر خشمچ هذا خشمج اكسره .
_ خوفتني اوووووي لا عليك الله رجفت .
_ ارجفچ وارجف عشيرتچ كلها .
_ شدعوة .
_ اليوم يا شهد يا بنت صفوان بنت امچ وابوچ
اطلعي من المدرسة اذا مو من بابها تنسحلين وتنخطفين .
_ يا ابن يوسف انت ابن امك وابوك اخطفني اليوم من الباب .

رفعت راسي سلمت وتعديته وهو يريد ينفجر
واني امشي صرت بعيده رفعت التلفون واسمع ضحك
دُر تريد تحچي ما تگدر لزمت خاصرتي احس بعد ما اگدر امشي
_ دُر اخاف يسويها صدگ هذا المدگدگ .
_ لچ عوفيني بصدمتي طلعتوا تطورات واثنينكم واحد
مقابيل القاني طول فترة الدوام وهو يتحدى وانتِ ومشاحنات
وحُب ينبث بالكلام اووووووويييييييي گزگزت انااا گزگزت .

هزيت ايدي وامشي بالممر واحجي وياها
_ يا حب لچ يريد يخطفني وهذا شاطر بهل سوالف غير مجربته .
_ عوفي الموضوع عليَّ اني احلها ، اطلعي وانتِ رافعه راسچ .
_ دُر مو تتفقين وياه ويخطفني يموتوني اهلي .
_ قابل غبية ما اعرف اهلچ ، وترا اني هم اخاف على اخوية
فـ كملي دوام طبيعي واني ارتب الموضوع من يمي
ومن ترجعين معزومة على غدة يمي اليوووم وكلشي اعرررف
ينام علي الآكبر ونگعد اني وياچ ندردش اوكي .
_ صار .

رحت على صفي اخذتهم درس ثاني ومر الثالث
والرابع وهل مدگدگ مختفي مبين يخطط المخطط مو هين
اخابر ابوية هسة اخلي يجيني قبل لا يخلص الدوام
ليش گلت مخطوبة ، بالعباس يستاهل ينقهر ادري بي يحبني
خلي يحرك بروحه ليش يحرك كلبي من الصبح حتى يتوب .

كمل الدوام اريد اطلع اتصلت على دُر
_ لچ عيني كلبي يگول لا تطلعين .
_ واسكتي مني ورطتيني بلسان علي الأكبر
وخليتيني اتنازل واتغزل بي واني صار شگد
رافعه خشمي عليَّ هل ابو الديسكو ابو المارشميلو .
_ واكيد ساح وتسرسح اخوية مسربت اعرفه .
_ خطية عباله راح اخلي ينام بالغرفة اليوم بالحلم خليّ المارشميلو يفيده .

جريت نفس وطلعت بقيت من الخوف مبتسمة واني اشوف
جــود وسيف الدين وسراج الدين وعلي الآكبر ينتظروني بالباب كلهم
ملمومين يسولفون وما ادري بشنو يتناقشون الواضح موضوع مهم
نزلت دُر جام السيارة ولوحت بـ اصابعها بقيت اباوع منا ومنا
واشوف انــور طالع من السيارة فاتح عيونه ضحكت ومشيت
يمهم طبطب جــود على ظهري وصعدني بسيارته هو وباقي اخواني
وعلي الاكبر راح صعد وياها ، فروا السيارة الطريق شارع المطاعم
نزلنا كلنا بالگراج واني باقيه بعز صدمتي وصلت رسالة
"وراچ وراچ بنت صفوان "
كتبت بستفزاز
" سد شفايفك لا تفوت ذبانة يا فووووار "

دخلونا على مطعم گدت دُر بصفي ولزمت ايدي
_ سودة علية انــور يريد يخطف راد يموت متت من القهر
_ جذابة احسچ تتشمتين بي .
_ والله مو اتشمت بس اريده ينسحل .
_ يمي خليها اني ام السحل .
_ خايفة هوَّ يسحلچ يحظي .
_ شلون قنعتي على روس .
_ هيَّ على اقناع سهلة لچ عيني خليت علي الآكبر يعزمهم
خطية يشتغل منا واني اجي اصرفهن ما راح يلم للمستقبل
من ورايَّ ، بس لو نجي الحقيقة ما اريد يلم هذا اذا يلم يتزوج
خلي مفلس دوم مفلس ، من يجمع اني موجودة اصرفهن .

طلبوا اكل والكل معزوم بحجة نخطط الخطوبة سراج الدين بعد
ما حصل الموافقة من اهلها ، كُل واحد طلب طلب شكل وعلي الآكبر
شغل جگارة وصافن عليهم شلون يتخيرون، اخذت دُر المنيو
ما ادري شنو حجت وشنو طلبت
دُر : بلازحمة اريد الروزيتو الإيطالي بالدجاج .
جــود : شنو هذا مال مثقفين .
دُر : اي جرب .
جــود : اريد سوالف مثقفين العفو اريد الروزيتو الإيطالي.
علي الآكبر: بيش هذا بكلية ؟
دُر : بيعها دللنا لو احنا مو مارشميلو .

اشر على جــود وهو يرجع ظهره على كرسي
_ الله لا يوفقك ولو هو الله ما موفقك بس هم الله لا يوفقك
ما اگول غيررررها لا والله ، هو ليش اجه ويانا .
دُر : اني عزمته .
علي الآكبر: طبعاً البلبل مالتچ .
دُر : حماية السبع .
جــود : ويا فارس بدر يا حيدر يا فارس بدر .

نزلوا الأكلات واخر شي جــود ودُر نزل صحون اثنين
بيهن مدري شنو تمن فطر صلصة ودجاج وخضرة مدري شنو
جــود من شافها كشت روحه وصار يغطي بوجهه ويتحرك ويطلع لسانه
_ عادي اتراجع .
علي الآكبر: حل اكلهاااا كلهاا اكلهااا ماكو غيره .
دُر : والله يعجب طعمه لذاذه جربها اكُل اكُل شبيك .
جــود : اريد كباب .

اني وسيف الدين وسراج الدين وعلي الآكبر سحبنا
المواعين حتى ما ياكل ويانا
علي الآكبر: العباس علية الي يخلي جــود ياكل وياه .
سيف الدين : هو مثقف ياكل اكل مثقفين يتحمل .
جــود : ورطتيني زوجة اخي النازوكية .

اشرت دُر على اكل رفع تمن بي مدري شنو صلصة بيضة
غمض عيونه ونزل راسه يريد يبجي وهلاها بحلگه
شهد : ها بشر .
جــود : لا تحاجوني خلوني لا اموووت روحي خلوني .

واحنا ناكل ودُر تاكل متعودة على هيج اكل بس اني بمجرد ما شفته
ما تقبلت ، بعدنا ناكل ورفعت راسي اشوف انــور فات علينا
احس عقلي صفن وكلبي بعد ما يدگ عزا عود ليش اخوف اخواني يمي

لا هو اني اخاف من اخواني ، خليت ايدي على خدي وهو تقدم
علي الآكبر انتبه علية طگ رگبته وضحك
انور : دُر هنا .
دُر : هلوو انــور شنو هل صدفة .
انــور : شلونهم الشباب .
كُلهم سلموا احتراماً الدُر ، نزل على جهة دُر واشر على تلفونها
_ مو اخابر عليچ ليش ما تجاوبين .
_ گلت بس ارجع البيت اخابرك ماتشوف هوسة صايرين .

هز راسه وهو يرفع روحه غمز بتلاعب وكأن يگول صبري
درت بس عيوني وهو راح صار بعيد گعد ورفع ايده
سجلوا طلبه نزلوا اله ما ادري شنو
جــود : هذا اخوچ شنو طلب انوب.
دُر : ستيك لحم بصوص الفطر هذا رهيب .
طلب علي الآكبر جاي خلص قبلنا كلنا اخذه وراح على طاولة انــور
شهد : بس لا يسأل يمه راح اموت طلعوني منا طلعوني .

غطت دُر وجهه وضحكت الفاهية ، شوية والكل وكف
راح علي الآكبر دفع الحساب وطلعنا من المطعم
دز رسالة بس صعدت
" يعني صدك الخميس الخطبة، اني موجود وانتِ موجود
اذا تصير وتم على خير ازين شاربي اني اعلمچ
تريدين تعذبيني انتِ ناووووية ارتكب جررريمة تريدين تخليني
اصير مجرم شلون لزمت روحي هسة بمعجزة خفت
عليچ منهممم بي اني اعرف علاجچ "

قريتها وسديت التلفون ، بحيث وصلت للبيت اهلي نايمين كلهم
بدلت واريد اختل بفراشي وانفتح باب غرفتي
دُر : امشي صار ساعة انتظرچ گدامي .
طلعت وياها علي الآكبر ماكو بالبيت والظاهر متجادلين
گعدتني اني وياها حجيت الها كُل المواقف الصارت بيناتنا
ومن ضمن هل مواقف الوشم وشنو يعنيلي .
دُر : عمووو تعال اسمع بنتك عموووو تررروح بيهاااا يبووووو
ابوها يتعارك على وشم وهيَّ تگول احبه علمود الوشم
وانور بين مارها ونار ابوها .

بقيت يمها لليل رجعت للبيت اسأل على امي واتذكرت
اليوم اخذوا سراج الدين ونرجس يعقدون بكربلاء مثل دُر وعلي الآكبر
رجعوا اهلي واحنا كلشي مخلصين احنا على سفرة وامي تسولف
النا الصار وشلون عقدوا وتتغزل بنرجس
ابو حسن : ان شاء الله الخميس الجاي حجزنا بقاعة يريدون
يسون حفلة عائلية بسيطة ومنا ياخذ زوجته ويسافر بيها كم يوم .

ومن هل يوم صرت اروح ركض للدوام أتجنب انــور وهوَّ صار
يغيب اكثر مني ، بيوم العرس ما داومت من الصبح گعدنا
اني واخواتي ترتيب وتنظبف بالبيت واخذنا سرة على حمام
تلفوني قفلت الكنتور عليَّ ، للظهر اجت دُر افترت علينا اني
واخواتي مكياج واظافر وشعر تشتغل بمكياجها اضبط من
الف مركز تجميل ، وعلي الآكبر يفتر على أخواني واحتياجاتنا
والسيارات والتجهيزات ، كلها التمت اقاربنا والبيت صار مهرجان
ودُر وعلي الآكبر بعدهم يفترون بتراكات البيت كملوا كلشي
وراحوا البيتهم ، كل احنا كعدنا فاتحين ديجي ونركص
جــود وسيف الدين بالگراج هز خلصوهااا بلا تعب وملل
وريمان كل شوية ادردم
_ صار ساعتين ضبط ننتظر ست الحسن والدلال هي وعلوكي
يخلصون هاي لو احنا جان سويتوها علينا عزا وتخلونا وتروحون
بس هاي تختلف دُر لازم كله على راحتها .
خواتي عافوا امي وهجموا عليها بدون محد يحس جاوبوها
شمس : ما شفتيها لبنية حتى وجهچ ضربته مكياج وترتيب
وبقت هي كلشي ما مسويه مز غززز .
بتول : اسكتي عيني محامين الدفاع كلها موجودة .
شهد : اي والله اسكتي انتِ وياها لا يصير تاليتكم حالچن حال ميثاق .
شوق : نزوجهم مثقفات هههههههه .
شهد : يوم اليه اتزوج مثقف ههههههههه ياكل ستيك لحم .

لميت فستاني وطلعت اقكفر بيدي ارگص اني واخواني
وابوية يشوفنا ويضحك ، وامي تشمر جكليت على راسنا
جــود يهز جتف وسيف الدين يهز شعر ، وسراج الدين يصفك
باقي اخواني برا خواتي ويانا يرگصن وكلها تصيح لجود يوم الك
واحنا بنص الركص التفتنا على علي الآكبر ودُر طلعوا من ممر بيتهم
وكان امير واميرته ، فستانها ذهبي وجسمها ضعيف مقسم
هي مو محجبة بس خلت شال مفتوح طالع شعرها الـ امامي قليل منه
والشعر اسود بسواد اليل يلمع والحمرة احمر صارخ بارزه
وعلي الآكبر بدلة رسمية اسود بأسود طالع يلمع لمع من الجمال والترتيب .

جــود اول ما شافهم دار وجهه على ابوية وضرب الحايط بيده
_ خطيتي بررررررگبتك كلبي وجعني كلبي بعد ما اتحمل
شفتتت انت جااااي تشووووووف بس انااااا ما عندي مثقفة
تلزمني من ايدي والبس رسمي ونطلع انا وياهااا گدام العالم
وارفع راسي بيهاااا مثقفة متزوج مثقفة .
ابو حسن : علي الآكبر ودُر ماشايفين خير بحياتهم من عين هذا
الخايس الحيوان عينه عليهمممممممم هل ولد .

گعد جــود على كرسي وجتف ايده يباوع عليهم والأغنية مشتغلة
راحت دُر اطك بـ اصبعها وتضحك فاتت جوة والعيون صارت كُلها عليها
علوها للأغنية ورجعوا يرگصون راح علي الآكبر على جــود
سحبه من ايده وصار يصفك وياه ويرگصون سوية
طلعت دُر تضحك رفعت تلفونها تريد تصور صار علي الاكبر صنم
راحت يمه اني ارگص واسمعها تصرخ
_ ارگص الخفيف ابووو الديسكووووو ارگص اريد اصورك .
_ تنشريني مثل اهلچ .

ابوية خرب عليهم من الضحك درت على باب من سمعت ابوية يرحب
شفت حُــرة دخلت علينا بفستان بسيط وهي ناعمة وشعرها مفتوح
طالعة عبالك باربي صغيرة كُلشي بيها بسيط وناعم حتى ملامحها
شفتيفها صغار وخشمها نتفه مخليه ملمع على شفه اني بنية
عجبتني ، خلت الكُل صافن بجمالها ، راحت دُر بوستها وفوتتها يمي
ريــان سيارته مسويها للعرسان اخذ سراج وحرة
ودُر وعلي الآكبر وراحوا قبلنا كلنا اخذوا العروس للتصوير
بين ما نقلونا على قاعة ، صارت مختلطة ساعتين ودخل
سراج الدين ونرجس البنية عيونها ملونه ناعمة الى درجة
جان فرق العمر واضح ببنها وببن سراج الدين والحب بنفس
الوقت بارز روحه ، بدت مراسيم الحفلة من رگص وسلو
بين كُل اثنين متزوجين ، محد رگص غير سراج الدين ونرجس
ومن بعدهم كسروها دُر وعلي الآكبر راحوا يرگصون
دقيقتين واشوف ريــان لزم ايد حُــرة وراحوا يرگصون وياهم .

جــود : هسة شنو هل تعذيب النفسي اذا ما اروحً
اخلي ابو الديجي يشغل اخت امي ساجدة عبيد واخليهم صافنين
شلت المثقفين هذولي الخيااااااسسسسسس
يمممممممممماااااااا هاي ام الريلاكسسسسس ذبحتني يمااااااا .

بعدهم يرگصون وجود نفذ كلامه من سلوا الساجدة عبيد
ودخل مداهمة ردح بنصهم ، كلهم رگصوا وياه رحت وياهم
واسمع جــود المسموم يگول الدُر
_ اكلچ عيوني مارشميلو موجودة ذيچ ام الرسمي الجوزي
طالعة تشگ الحلگ وعيونها على زلمتچ يمممممكن الله لا يجذبني .
راحت دُر بصف علي الآكبر يرگصون سوية وما ادري شنو همست بـ اذنه
وبرطمت بحزن رفع ايدها وباسها وصار يركص وياها ويضحكون .

تأخر الوكت صارت توزيعات الاكل امي قبل الكل اخذتني
اني واخواتي بس ورجعنا جــود على بيت حتى نرتب كلشي
عدنا اليوم هطار يباتون من غير محافظات ومن ضمنهم
اهل فلك كلهم اخوانها وابوها ، دخلنا للبيت صوت ابوية
عصبي طالع من الاستقبال، ركض جــود فتح الباب واحنا وراه
رفعت فستاني اريد اشوف ورجلي بعد ما تشيلني خرطت العافية
وعيوني غوشت بطني لوتني لوي واني لشوف انــور گاعد
مقابيل ابوية بتشيرت بارز كل الوشوم .

اريد اشرد منهم حيل ماعندي حيل للمشاكل والله تعبت من هل موضوع والضغط سحبني ابوية من ايدي ودخلني بنص الاستقبال وطلعهم كلهم
وسد الباب انــور عيونه ما شالها مني واني اريد امشي
بس الفستان وكعب عالي اتعثر رجلي تررررجف رجف
سحبني ابوية خلاني مقابيل انــور بالجهه الثانية وگعدني
_ هذا انت مووووجود وشهد مووووجودة وراح اسألها
بوجودك وتسمع بـ اذنك عايل ويااااااااك انا ؟
انــور : لا حشاك ماتقصر .
ابو حسن : شهد بوية انــور اكثر من مرة طلبچ من عدنا
وهسة رجع طلبچ مني على سنة الله ورسولة تقبلين بي ؟

يتبع....

ابو حسن : شهد بوية انــور اكثر من مرة طلبچ من عدنا
وهسة رجع طلبچ مني على سنة الله ورسولة تقبلين بي ؟             
ارتبكت ملامح انــور تتوسلني وابوية بعيونة ينهيني
لزمت التخم بيدي اريد اقوي روحي وعيوني راحت على
باب من دخل علي الآكبر وسد الباب رفض يطلع
ضعفت وكشفت مشاعري دموعي وهي توگع وتنزل على خدي
اجه علي الآكبر يمي لزم ايدي يمسع بيها ويحجي بهدوء
_ اني يمچ احجي اذا موافقة وياج واذا ترفضين وياج .

من خلف الباب اسمع امي منهارة وتصرخ وتهدد
_ اذا وافقت شهد أتبرى منها طول عمري وجهه ما اشوفه
توافق علية ياخذها ويروح ما افوتها بعد بيتي لو اني لو هي .
هزيت راسي وكفت نفرت وما اطيق روحي بعد لو اكدر اموت
روحي اسويها واخلص تعبت هل علاقة استنزفت طاقتي
شهد: بوية انت ليش تسألني هيج سؤال وجوابه واضح .
_ يعني قبلتي ؟
_ لا بوية ما قبلت ما اقبل ما اريد اتزوج .
حجيتها وطلعت من المكان بكبره مخنوگة ودموعي تتسابق على خدي
امي من شافتني تريد تكفشني ودُر وخواتي بوجهه صارن  .

دُر ..

سحبت شهد من ايدها ركضت على بيتي دخلتها ورجعت اشوف اخوية
وصل للباب واني صحت بصوت عالي حتى يسمعني استدار شافني
رحت قريب منه شفت كسرة الخاطر بعيونه
_ والله شهد تريدك بس اهلها كلهم مقابلين .
_ لو تحبني تحارب ولو بموقف الخاطري ما شفتها بادرت بيوم ابد .
_ تخاف .
_ دُر الحب افعال ، بيوم علي الآكبر حبچ وانتِ حبيتي حاربتي
اهلچ كلهم وكفتي بوجهنا كلنا وتزوجتي ، شهد ما سوتها وما راح تسويها .

لزمت ايده قبل لا يطلع وحجيت بعتب
_ لو اهلي مثل اهلها نفس حبهم وحنانهم وخوفهم ودلالهم
بعمري ما اتزوج وبعمري ما احب ، وافقت وحاربت حتى اخلص روحي
متخيل شنو اخلص روحي من اهلي .
_ دُر لا تزيديها عليَّ الخاطر النبي محمد الدنيا كلها ضدي .
_ لا تيأس ولا تعوفها حاول وحارب الخاطرها الحد
ما بيوم من الايام تفرج وتصير الك واني هم احاول اساعدكم  .

قطعت كلامي وياه من دخلت ارجوان واختها من شافت انــور نزلت
راسها وفاتت بسرعة للبيت ، انــور استأذن وراح، رحت للمطبخ
ماكو سمعت اصواتهم بالاستقبال باوعت كاعدة هي وعمي وعمتي
وعز الدين وعلي الآكبر وهي تحجي اندمجت وياهم ، عفتهم ورجعت
الشهد لگيت البنية منتهية من البجي ونايمة ،اندك الباب من ردت ابدل
فتحته واشوف علي الآكبر دخل يدور عليها من شافها لزم ايدي
_ جاوبيني بس جاوبيني تحبه شهد تحب انــور ؟
_ لا تسألني هيج اسأله گاعدة بگلبها اني
وبعدين شكو بيها كفرت اذا حبت .

فتت للغرفة صاح بيَّ
_ امي تريدچ .
_ يبووو راح تبلش تحجي وليش اجه وليش خطب .
_ يعني اني اخليها تحجي هيج ؟
_ ابدل دقيقة .
يريد يفوت لزمته دفعته بخفة وقفلت الباب
_ بسيطة دُر بسيطة دُر ما اتزوج عليچ .
_ تتزوچ مووو ؟
_ تلاثة اتزوج اعدد الزوجات ذليتينا شني هااااااااااي .

واني ابدل اتجادل وياه طلعت واني انزل التيشيرت
سحبني واني امشي واترنح عضني بكتفي ورفع
شفايفه باس رگبتي فزيت منه اريد ابتعد
_ شهد هنا علي الآكبر شبيك .

رفع ايده مستسلم ، مشيت فتحت الباب طلعت قبله وصلت النص الممر
ورجعت من اتذكرت عفته وحده هوه وشهد اخاف يگعدها ويصير شي
فتت عليَّ واگف يشرب ماي لزمته من ايده وسحبته والگلاص بيده
_ ها سالمين .
_ يصيحون عليك روح شوفهم روح بسرعة .
_ تعبان اريد انام باجر باجر .
_ عزززا عمووو يريدك شبيك طاير النوم .
قبض ايده عود يضربني رفعت خاجبي واشرت عليها ينزلها
_ اخليك تضرب نفسك ترا .
_ ترا .

هو راح واني غطيتها سديت الباب وطلعت امشي وتلفوني بيدي
فتت من الأستقبال بعدها ست مارشميلو ، دخلت من الباب الثاني
ادور على جــود شفته گاعد ومركز وياهم بالكلام ابتسمت بوجهه
ورحت على جــود واني اقترب فر شفايفه وحرك ايده
_ ها شبيك .
جــود : مگابل مارشميلو وگاعد .
_ وانت هم .
جــود : تغارين عليَّ .
دُر : جوعانة ترا .
جــود : امشي انا هم .
وكف يمشي واني ويا مرينا من علي الآكبر عيونه علگت
علي الآكبر: اي اخذي البلبل مالتچ وروحي .

طلعنا سيف الدين يريد يصعد لزمه جــود يوصي على اكل
قفل هذا ما يقبل والتلفون بـ أذنه ما ادري يخابر بمنو
جــود : العاشگ الولهان روح نام رووووح .
دار وجهه هو يباوع عليَّ واني انتظر يقرر شنو ناكل
لان اني سوالف الهبيط والتمن والشحم ولحم اكل الأعراس مو جوي
_ ابدل واجي .
_ ذبها للبدلة لابس رسمي وينك وين الرسمي كلك على بعضك سنيك .

ضحك وصعد يبدل واني رحت ارتب المطبخ بين ما يرجع لملمته
فاتت عمتي بعدها اعصاب وكفت يمي وسألتني
_ اخوچ شيريد منها بس فهميني .
_ يتزوجها يا عيوني غير يريدها .
_ من اتذكر خطفها روحي تجز منه ومن تاريخه.
_ بس تغير .
_ على روحه هاي حركاته تخليني اظلم
بنتي وازوجها حتى لو مو برضاتها .
_ الصراحة ما انصحچ لان بوكتها راح يصير دم اخوية رايدها .

لزمتني مو ايدي هزتني هز وصاحت فاقدة حتى نست عدنا خطار
بكل مكان بالبيت الأستقبال الغرف الجوة كلها خطار
_ اموووووتهااااااا وما ازوجهاااااا لأخوچ اني انطي بنتي اله
حلم تظل حلم بنتي مايحصله لووووو يموووووووت من انا
امووووت ياخذهاااا هل مكبسل ، وانتِ اذااااا تعيدين هذا الحجي
ويحبهااا وما يحبهااااااا تلززززمين الباب افتهمتي لووووو افهمچ .
علي الآكبر: يممممممممممممممممه .
_ تعال اسمعععععع مرتك شلووووون تحجي تعااااال .

عاف الكلام كله وعيونه ركزت على ايدها شلون ملخت ايدي
سحب ايدي منها هي من عصبيتها ما منتبها على روحها شلون لازمتني
علي الآكبر: شنوووو هااااايييي تضررربيهاااا ؟
_ ما ردت اضربها فقدت من كلامها استفزتني ولك قهرتني .
ابو حسن : احممممممم صووووتكممممم صوتك انت وامك .

التفتنا اقاربهم كم شخص طالعين يباوعون متت بدمي
عفتهم وطلعت من البيت درت على ممر وعلى بيتي
دخلت اررررجف اررريد احجي اريد اصررخ
رحت للحمام اغسل بوجهي ودموعي تجررري
مكبسل مكبسل مكبسل هل كابوس ما راح يعووووف انــور
وثبتت عليَّ مكبسل حتى لووو يتخطى يبقون يذكروا بكلشي .

سمعت صوت الباب برا اول ما طلعت من الحمام سحبني
من ايدي على صدره يمسح براسي ، بقيت واكفه ما اتحرك
لدقايق بس احس بعصبيته من رجفته يحاول يتحكم بيها ما يبين
بس مفضوح ، اخذ ايدي يباوع بيها طبعت اصابع امه بيدي
رفعها باسها ورفع وجهي بعيونه ثبته
_ اسف .
_ انت شعليك .

حجيتها وابتعدت رحت على استقبال بعدها نايمة
مشيت على غرفتنا هو كاعد على كرسي بالمطبخ
خليت تلفوني وكعدت على سرير ايدي على راسي
سمعت صوت الباب عرفت طلع دقايق بس دقايق
وأصواتهم بالبيت تعالت فتحت الباب اريد اروح
وشهد ركضت عليهم بعدها بفستانها
_ تعالي لج شهدددددد .
_ شبيهمممم ليش يصيحووووون ليششششش
رحت وراها وعمتي اول ما شافت شهد لزمتها سحل من شعرها
_ امووووتچ وهل كلب ما ياخذچ اموووووتچ ولچ امووووتچ .

اخذها علي الآكبر من امه غصب وهو يصرخ صوته يقبض الگلب
_ صايرررررررة كلة ضرررررررب ضررررب بضررررررب .
عز الدين : كافي تصيح على امي لك علي الآكبر .
ابو حسن : ابقي هيج ابقي ولدچ راح يتضاربون بيناتهم .
ام حسن : شحنته دفعته بنت الررررياااااااششششششش
صايرة وصلة مسححححح بيدهااا روح يروح تعال يجي
صير خروف مگرن على اختك يصيررررر حتى يرضيهاااا .

دُر : على شنووو هل تجاوز لان اجه خطبها على سنة الله ورسولة
شنووو كفرررر لو غلط بحقكم طلبها رفضتوا راح ليش تكبرين الموضوع .
ام حسن : هااا تريدبن نگعد نقبل بكلشي ما نكبرها صار تدللين
هاي گعدت ارضي عيني ارضي علينا اهم شي دُر ترضى علينا
لان علووووكي يشهرررناااا يصلخخخخ ويذبحح .
يريد يجاوبها وعمي لزمه يتوسل بي يعوفها ويسكت طلعه برا
واني عفتهم ورحت على بيت روحي تريد تطلععع مني
خابرت على انــور اصرررخ واهدد بي
_ ديررررر بالك بعد تجي تخطبهاااااااا عووووفهااا عمي عوفها
ما يريدووووك مو اجباري خبلوووهاااا البنية امها لزمتها
ملختها تملخخخخخ لان اجيت خلصها علي الاكبر من ايدها غصب  .

واني احجي وصراخ شهد هرج البيت هرج
واخوانها يصيحون بـ امهم وهي تصيح
_ اذااااا ما تقبل على بدر هناااا هسة انحررررهاااا .
طلعت وهو يستمع ويصيح
_ شبيهمممم والله العب بيهمممم لعب والله اذا ما يعرفوها
مشيت على ممر وصوت شهد زرف گلبي صراخها يبجي
شهد : يممممه ابوووس ايدچ كاااااااافي شعررررري يممممهههه
يابه بوووووووية وينك .

من سمعهتها هيج تصيح ركضت والتلفون بعده بيدي
_ وينهاااا هاي وينهمممم .
ريمان : راحت شهد تبدل وعمتي فاتت على غرفة وقفلتها عليهن
موتتهااااا ولچ مووووتتهاااا تمووووووت .
رحت على باب جــود يريد يكسره يدفر بي بكل قوته وعمي يصرخ
_ اذا تطلع شهد وقطرة دم بيهااااا ما تطلين بالبيت والله
افتتتتتحي الباب افتتتتتتتتتتحي .

وعمتي مو يمهاااا ابدددد ولا يمهااا تضرب بيهااا
فلش جــود وسيف الدين الباب وفاتوا من شفت
شهد صرخت بلا وعي وخواتها ركضن اخذنها
لا من ايدها ولا من رجلها فقدت بيدها من الضرب
وبيدها حديدة معوجة عوج من الضرب
عمي انهار من شافها راد يضربها وحسن صرخ
_ لااااااااااااااااااا بووووووووووووووية لااااااااااا .

أتزحزح عمي بس منتهي حتى بجي يبجي
_ لمي ملابسچ واطلعي من بيتي ما تبقين اليووووم هنااااااااااا
موووو تگولين لو انتِ لوووو شهدددددد اريد بنتي يلة توكلي .
فتحت عمتي الكنتور اخذت بس عبايتها وصاحت
_ حسن تعال وصلني گووووووووووم .

دفعتني وطلعت من الليت عمتي تخبلت والله هي مووو هيج ابد مو هيج

وتمشي وتصرررخ بعالي صوووتها
_ ترررريد تتزوج واحد مكبسل ومدگدگد وابو ملاهي وديسكوووو
وشافوووووا كلهم شافوا شلوووون گاعد والنسوان داير ما دايرة
ويعرفون تاريخة القذر يطبب **** بنص بيت اهله ذيل جلب هذا ما ينعدل
يااااا ام تقبل تنطي بتها لهل لعبان النفسسسسسسس .
جــود : ما تقبلين تنطيهااااا هيج بس تموووتيهااااا هيچ موووووو .

عافته وراحت وهوه شالها وركض بيها للسيارة
بعدهم بالباب وانور طبگ بسيارته وريان وياه
من شافها وگف گدام عمتي وصاح
_ هي ما تريدني والله ما ترررريدني ليشششششش تضرررربيهاااا
ترررريدين تضربين ضرررربيني ، واذا عبالچ اعووووفهاااااا
والله ما اعووووفهااااااا ورجعت هسة رجعت واريدهااااا واطلبهااا
بدل المررررررة مليوووووون .
_ ما أرضى عليهمممم كلهم اذا بيوم شهد صارت الك .

عافته وراحت صعدت وهو ضايق وعز الدين يهدد بي يروح
وابو حسن يصيح الشاااارع مناااا سمعت البنية راح تخررررب
اجه علي الآكبر من بعيد راح على ريــان وريان يسحب صار بأنور
وانور قافل يتصايح هو وعمي وجود حرك السيارة هو وشمس
وشوق اخذوا شهد وراحوا . ما ادري شلون راح انــور
وعلي الآكبر اخذ سيارة وراح وراهم يشوف شهد
البيت انهجم هجممممممم منين ما التفتت اكو صياح وحجي .

عفتهم رحت على بيت اذا ادخل يمهن سمهن يغرگنا
واني اريد اخلصصصص منهن واجت ريمان ورايَّ للبيت
فوتتها امري لله استحي اطردها ، اول ما فاتت بثت سمها ونيتها واضحة
_ اخوج لزك بيها اشو هو شبعان ومليان فلوس يگدر
باليوم يطلع بدل الوحدة خمس بنات هجم بيتنا حاجي .
_ عاجبته شهد وبكيفه لا تدخلين فدوة ما ناقصين .
_ لا تزعلين مني دُر والله بيتنا هدوء جان من دخلتي انتِ انوب اخوانچ
صار عصابات عرك وحقد وضرب .
دُر : اي وشنوووو تريدين يعني اطلع .
_ لا عيني مو هذا قصدي .
_ لعد ؟
_ ماكو شي .

وكفت گدامعاًورفعت اصبعي بوجهه
دُر : اذا حال البيوت ما تعجب والبيت كُله مشاكل وانتِ ما مرتاحة
رووووحي اخذي زوجج وجهالچ واطلعي من البيت
حجي زايد ما اريد اسمع .
_ انجبي لچ العاگر هم تحجي لچ انتِ تطلعين واحنا باقين
شنو ولد تلد عندچ اني ام احفادهم وانتِ كلچ على بعضچ
بنت الرياش هل المشاكل والمافيات لووووو ما علي الآكبر تلزمين الشارع .

بلا وعي من حجم قهرتي رفعتي ايدي وصلختها براشدي
على وجهه خليتها تزاگط بمكانها هجمت عليَّ تضربني
واني اضربها حيلها يعادل حيلي بمرتين لزمت شعرها سحلته سحل
وهي بوكسات على بطني نامت عليَّ شكد اني قوية بس مو بقوتها
ضربتني على صدري يمًكلبي حسيت روحي طلعت
من حلات روحي قبضت ايدي وضربتها على خشمها والدم صار ينفر منها
دفعتها وهي تصرخ وتلزم بخشمها والدم ترسها
_ يبووووووووووو يممممممههههههه .
_ اطلعي بررررا اطلعي لاااااا امووووتچ .

ركضت على مطبخ لزمت سجين بيدي ورفعتها بوجهه
_ لو تطلعين لو اخليها بطنچ حيوووووانه .
طلعت والدم بجري منها تتوعد وتسب صرخت
_ حسن حسسسسسسسسن وينًحسن عمي وينكممم بتووول .
قفلت الباب عليَّ وگعدت لازمه بطني اني بطني مو زينة ما انضرب عليها
ممنووووع انضرب عليهه وهي تدري مايصير ، زحفت للحمام
شفت روحي انزف بدلت ملابسي وانعكفت بفراشي أتألم مو الم عادي
وخايفة انررررعبت ما اتوقع رد فعلهم شلون راح تصير .

بالنص ساعة واسمع صوت الباب بندگ لزمت الباب وهمست بخوف
_ منو .
_ اني صخاااااااااااام علي الآكبر افتحي المهجووووووووم .
_ ما افتحححححح الباب روووووح مناااااااااا .
ضربة بكل قوته فزيت وگعدت بالگاع دموعي تجري
_ ما افتحهااااا رووووح علي الآكبر شبيك رووووح .
_ راح افلششششش والله افتحي .
_ اخاف علي الآكبر .
_ من شنووووووووو .
_ تضربني .
_ لچ دُر كلبي راح يوكف عليچ لچ دُر بس افتحي اريد اشوفچ
وين ضرررربتچ هاي بنت الكلب افتحي دخيل الله .

فتحت الباب وبعدني بالگاع أتبعثر من الوجع هو شافني ويريد يركض عليها
شمرت روحي لزمته من رجله اتوسل
_ دخيلك ابوس ايدك علي الآكبر لااااااااااااا
تعال راح اموووت تعال يمي لاااا تروح ..
_ لچ شمسووووووية بيچ مااااااااااااا عنددددددچ ايد ايددددددج مكسورة .
_ لا تسوي مشكلة ، با تكبرها الخاطري ماعندي خاطر يمك .
_ اليوم هل استغفر الله ما ابقيهاااااا بالبيت .
_ مووووو بكيفك مووو بكيفي هذا مو بيتك ولا بيتهم
ابوك يقرر انت ميصير تحجي هيج دخيلك بس تعال لا تخليني هيج اتوسل .

نزل يمي يمسح بوجهي ويتفحص بيدي مزلغتني تزلغ
لزمت بطني وبيدي الثاني لويت سترته وخليت راسي على صدره
_ نزفت علي الآكبر عندي نزيف .
_ ضربتچ على بطنچ ؟
_ اي .
اخذني بحضنه حاضني حيل ويضرب بالحايط الي ورا ظهري .

رفعت راسي باس راسي حيل همست بتعب
_ بس اخذني انام تعبت ، ولا تصيح راسي يريد ينفجر لا تصيح .
رفعني من الأرض حضنته من رگبته وصلني للغرفة نزلني على فراش
ويريد يروح كل عقله اخلي يروح ويتعارك وياهم يتخارب هو واهله بسببي
لزمت ايده ودموعي تجري على خدي
_ حلفتك بداعتي ماتروح بس هنا انتظر يمي انتظررررر .
_ ما اگدررررر دمي يفووووووووووور .
_ لاااااا تصيح علي الآكبر لا تصيح .

لزمت ايده صار فترة ما جاي يمي ولا مقترب بس اليوم احتاجه
خايفة وضايعة اريده ويايَّ ، حاولت اجره استجاب وگعد على
سرير قريب مني ، بكل ما تبقى من حيلي تقربت وعلى صدره ملت
غمضت وحضنته بكُل تملك خليت راسي برگبته رفع راسه ينطيني مساحتي
_ لا تروح .
_ باقي انا باقي .
_ اذا تروح ازعل .
_ نامي .

غمضت وهو يلاعب خصلات شعري لدقايق غفيت ماحسيت على شي
الثاني يوم گعدت علي الاكبر ماكو والساعة ب12 وحتى ما اجه وگعدني
بيَّ ما بيَّ رحت للحمام غسلت وفتت للغرفة بدلت ملابسي وطلعت
على اعصابي للمطبخ شربت ماي وفتحت الباب البيت الثاني هدوء مخيف
حتى الجهال كل يوم هيج وقت صايرين روضة اليوم مختفين
رجعت على تلفوني انصل عليَّ ماكو جواب ، كتبت رسالة
"انت وين أحتاجك "

شافها بنفس الدقيقة ، بعدني انتظر يجاوبني وانفتح الباب ودخل
يتفحصني بنظراته بدون مايحجي حرف عدلت گعدتي على سرير
ورفعت اديناتي اثنينهم اله اريد يشوف شلون ارجف
_ جوعانة من البارحة جوعانة .

جر حسرة طويلة وعافني وراح للمطبخ صرت اسمع اصوات
وطگطگه ، رحت اريد احجي وياه گعدت على كرسي اتبع تحركاته
وهو يطبخ مطلع حافظة بيها كباب مجبد جاهز للقلي هو يجهزهن
لان من اروح للجامعة وارجع احير بالطبخ ، ويسوي بالسلطة ناعمة
_ وين جنت .
_ طالع .
_ وين عادي اعرف ؟
_ بسيارة ريــان بالباب مالتنا .
_ اكلت ؟
_ اكل وياج .
_ شهد وين .
_ بالبيت .
_ وعمتي ؟
_ بيت اخوها .
_ ترجعوها ؟
_ ابوية قافل .
_ وريمان ؟
_ بيت اهلها .
_ ما بيتتها ؟

سكت ما جاوبني وكمل شغل رتب الكباب والسلطة مقابيلي
وصب گلاصات جاي اثنين شربت منه وبقيت اباوع بوجهه
_ تعاركت انت وحسن ؟
_ لا .
_ لعد شلون طلعت ريمان ؟
_ بلغت حسن بالصار وهو يتصرف وياها .
_ وحسن طردها ؟
_ ما ادري بس راحت وهذا اهم شي عندي .

اخذت كباب بدون صمونه اكلت منها شوية وسألته
_ عادي اروح اشوف شهد .
_ اي .
_ اخاف يحجون ؟
_ اني اخذچ .
_ اذا انت اوكي .

هز راسه واكل قليل وكف يغسل ورجع يباوع بوجهي
_ تروحين مستشفى؟
_ لا صرت زينة راح اغسل المواعين ونروح .
_ دُر من ترجعين من شهد  تروحين البيت ريــان يومين ؟
_ ليش ؟
_ اسمعي كلامي بدون ليش ؟
_ ما اعوفك انت وشهد ما اريد اروح وعندي دوام وامتحانات ما اركز .
_ تركزين هنا ما تركزين البيت صاير هوسة وما اريد تتأذين .
_ ما اروح .

اخذت المواعين اغسل بيهم وهو لازم راسه رحت بدلت ورجعت
_ كملت نروح .
وكف طلع قبلي فتت على بيت هدوء مابي نفس ، دخلت على غرفة شهد
نايمة على سرير وجود يمها نايم بالأرض ، راح علي الآكبر گعد جــود
مسح جــود وجهه حيل ونهض طلعوا اثنينهم سديت الباب وگعدت شهد
من شافتني التفتت منا ومنا خايفة
_ الحمدلله على سلامتچ هو هذا الحب يوصل للمستشفى .
_ دولي انتِ واخوچ شسويتوا بيَّ انسحلت .
_ اسفة .
_ يگولون الحب والزواج بسرعة مابي طعم اذا مو سحل .
_ ههههههههه اي والله صحيح .
_ اريد احجي وياه لازم احجي دُر عندي شي مهم لازم يعرفه .

طلعت تلفوني ورحت قفلت الباب ورجعت يمها گعدت
اتصلت عليَّ جاوبني صوته خشن بمعنى الكلمة من الصراخ
_ الو دُر .
سلمت التلفون الشهد وخليت راسي يمها استمع
شهد : انــور اني شهد .
سكت لثواني ما يحجي
_ ماتريد تحجي براحتك .
_ مصدوم .
_ ضجت لان رفضت .
_ البارحة من شفتچ ناقليچ للمستشفى عرفت ليش وعذرتچ .
_ هاي عود رفضت .
_ لو موافقة يدفنونه سوية .
_ اقبل .
_ ههههههههههههههه اريد اتزوج مو اموت بنت الزينين .

گرصتها واني اهمس
_ انتِ بيا حال لو تدري امچ .
انــور : جانت خطوبتچ مو ؟
شهد : اي شلون خطبة صارت .
حجتها وتون من الوجع سكت انــور دقايق وهمس
_ شهد لو كلها تصير ضد زواجنا كلهاااااا كلهااا حتى الي موافقين هسة
اني ما اعوفچ واختاريت اعيش وانصلح على ايدچ وما اريد غيرچ
انا احبچ من كل گلبي احبچ وبعمري ما حبيت مثلچ لازم تحفظين كلامي .
_ انت مسحول .
_ ههههههههه بنت صفوان تمكنت مني .

اخذت التلفون بعد ما سلم عليها وراح وهي رجعت غمضت عيونها
ادمع ، تريد تحجي وتتراجع بس عرفت عدها شي ما تگدر تحجي بي
بجت الحد ما تعبت ونامت وهي تهمس
_ راح اروح لغيرك اني ما اصير الك انــور .

اندك الباب فتحته تقرب مني علي الآكبر وبلغني
_ سراج الدين رجع هو ونرجس روحي استقبلي البنية
انتِ وشمس وشوق لا تبينون الهم صاير شي .
_ بس ما خليت ميكب عيب .
_ شنو ميكب ؟
_ ها ؟
_ ميبب شنو هذا ؟
_ شسمه وردي خدود .
_ دمشي بوية امشي عيوني امشي .

هزيت راسي ولزمت التلفون بـ اثنين اديناتي وطلعت من الغرفة
متجاهله الوجع ، البنات برا وعمي مجهز ذبيحة اول ما وصلوا
والبنات هلهلوا ويشمرون جكليت وحسن ذبحها جوة رجلهم
فاتت نرجس سلمت عليهم واجت حضنتني
دُر : صرنا نسوان شسمه هاي شيسمونه زوجة حمايه فدوة .
نرجس : صرت قريبة منچ اجيت يمچ وآخيرآ .

لزمت ايدها وفوتتها جوة ، صعدتها فوك سراج الدين اخذ غرفتنا
القديمة مايريد غرفته ، فتحتها واني ارحب بيها
_ عروستنا جُكليته حامض حلو باكيته .
نرجس : دُر انتِ زينة ؟
_ اي كلش زينة .
ابتسمت بقهر وحضنتني بكُل حيلها بس حضنتها انفجرت ابجي
_ اني مووو عاگر شنو عاگر يعني ميصير عندي اطفال نرجس
ما راح يصير رحمي يوم عن يوم يزيد بالتضرر مايقل
وكل علاج اخذه يدمره اكثر واكثر .

سدت الباب وگعدتني على سرير يمها
_ لا تيأسين من رحمة ربنا ، ماتعرفين بشنو رب العالمين
راح يعوضچ بيوم ، دُر ادعي لا تبجين لا تنقهرين هذا اختبار
وانتِ مؤمنة لا اعتراض على حكم الله سبحانه وتعالى مو ؟
_ صح بس انقهر مو بيدي اني اعرفه علي الآكبر نفسه بطفل
يتمنى بس يتمنى الطفل وريحة الطفل ويستاهل يصير اب
حنين مت شفت بحنانه نيال أطفاله جنت اگول بس وينهم اطفاله.

مسحت دموعي وهي تجاوبني بكُل هدوء وبملامحها البريئة ريحتني
_ اذا تبقين هيج تفكرين راح توصلين الفكرة الانفصال
واذا تنفصلين والله دُر والله تخسرررين ، علي الآكبركُلهااااا
والله كُل شخص يعرفه يضرب المثل بحبه الچ وتضحياته
لا تخسرررري ايااااج تخسرين شخص مثله .
_ ينظلم ويايَّ حرام عليَّ استغل حبه وحرمة من زينة الدنيا .
_ هو شنو رأيه؟
_ يگول مو مهم الأطفال الي يهمني وجودچ بس الى متى
يجي يوم يمل ويعوفني يريد اطفال يحملون اسمه .
لزمت ايدي طبطبت عليها بحنيه وجاوبتني
_ نصيحة اگعدي انتِ وياه وتفاهموا على هل موضوع بالكامل
وخلي يعرف بشنو واصله بالتفكير .
_ ما كدرت حاولت بس وصلت المرحلة انفر منه ما اتقبل يجي يمي
اخاف والله اخاف من فكرة ارجع واشوف ابني يموت وبعدني ما فرحت بي .

سمعنا صوت على درج مسحت وجهي وابتسمت من دخل سراج الدين
_ مبروك عليك أنقى واحن صديقة واخت عرفتها بالكون .
سراج الدين : دُرر روحه لعلي الآكبر الله يبارك بيچ خوية .
رجعت شعري وصفگت بخجل حجيت
_ اعوفكم تاخذون راحتكم واني اروح البيتي ، نرجس اي شي
تريدين اني هناك تعالي اوكي مو تنسيني وياهذ عقلچ سراج الدين
لان هل عائلة شاطرين ياخذون عقولنا .
سراج الدين : وحگ علي ماكو غيرچن تاخذن عقولنا .

طلعت واني اضحك شفت علي الآكبر نزل من فوك وجهه ما يتفسر
لزمني من ايدي وطلعني من البيت كله ، دخلنا على بيتنا
حاير يفتررر يريد بحجي ويتردد ويسكت ، تركته وكل عاده
بقيت افكر وبحجة زعلانه على موضوع ارجوان ما اريده
بس الي بگلبي اكبررررررر واعظم من هيج موضوع
طلعت ملازمي اتهرب ادرس وادري وهو برا بس اشم ريحة الجگاير
عط بيها البيت عط بكثر ما شرب جگاير بهل ساعتين
بعدني ادرس وبيده جگارة دخل يصفن بيَّ ، واني ادرس حجيت
_ لا تحاول ما اروح البيت ريــان ما اطلع من بيتي .
_ ليش تنفرين مني ؟
_ شنو نسيت تصرفك بميلاد ارجوان وشلون جهزت طلبها بحُب .
_ ليش تنفرين مني دُرررر ؟

سد الملازم من رجعت اقرا ببهم وشمرهم بعيد مني
_ هاي ليش علي الآكبر .
_ جاوبيني بوية جاوبيني لا تعبيني.
_ الديسكووو وام المارشميلو و ...
_ لاااااا تجذبين عليَّ اني الووووحيد بهل كون لا تجذبين عليَّ دُر .
_ سمعتنا اني ونرجس مو ؟
_ بالصدفة .

بقيت اركز بوجهه وهو صافن بوجهي رفع ايده تلمس وجهي
ومرر اصبعه على شفايفي يرسم بيهن بكل بطء يحرك اصبعه
علي الآكبر: تريدين كلمة صدك لا لف ولا دوران ولا مجاملة .
اومأت براسي بس قبل لا يجاوب عيوني غورگت بدموعها
_ احس مو مستعدة للجواب كلبي مايتقبل صدمة حباب لا تجاوب .
_ وتبقين بهذ النفور ، بهذا التفكير ، بهذا البعد ؟

بقيت ارجف يلزم بيدي يخليها على صدره خايف من حالتي
_ غايتي انطيك مساحة كافية تفكر بيها بدون ضغط من وجودي
واذا تريد عادي اروح البيت ريــان واخليك تفكر بمصيرك ويايَّ .
_ وحگ داحي باب خيبر علي وحبه الفاطمة تسوين عندي الف طفل
وماشوف بعيني بنت غيرچ ، وهاي كلمة عاگر اعرف منو وراهاااا .
_ بعمري ما حسيت وخاب احساسي راح يجي يوم اخسرك .
_ هل موة احساسچ يخيب انا اموت من غيرچ وحگ علي اموووت.

من خوفي غيرت الموضوع ونترت بي
_ ههههههه تجي مارشميلو وغيرها يعوضون مكاني .
_ نسوان الدنيا كلها ما يعوضوني وجودچ بحياتي انتِ ماتعرفين
شنووو دُر بالنسبة العلي الاكبر، لچ عبالچ حبي الچ عادي .
اشرت على ملازم بس اريد يسد الموضوع
_ ادرس عادي ادرس .

رجعهن يمي متفهم حالتي وعافني وطلع مقدر نفوري
راح ومن هل يوم صار يحاول ما يضغط عليَّ وبنفس
الوقت ما يبتعد يحسسني بـ اهتمامه من نظراته
وبكُل مرة ادرس بيها يدللني دلال بكُل مراحل دراستي
ماكو بشر سواها ، ادرس ويجي واحد من اولاد اخوانه بيده
حلوياتي الي احبها ، لو بيوم ادري ويدزلي اكلي الي احبه من ايده
ومطعمه على شكل وجبات صغيرة واني ادرس اكل
مر اسبوع بـ أيامه ولياليه وعمتي برا البيت ، واسمع اولادها يريدوها
بس عمي قافل ما ترجع بعد ما طلعت صوتهم وضربت شهد هل ضرب
على طول اگول ومو بس هل اسباب اكوووو اسباب اكبر رررر من هيج
وفعلاً جانت عمتي وخطواتها بهل فترة توگف العقل واكتشفنا هل
افعال بوقت متأخر وعمي ثار عليها وفقد اعصابه .

وبيوم رجعت من دوامي واشوف عمتي هي
وريمان يغسلن برا بفرش البيت ، سلمت عليها بست راسها
اريد اعبر للبيت وكفتني وعزمتني على غداهم ، ما اعترضت
الخاطر علي الآكبر ورحت للبيت غسلت بدلت
ورحت ساعدتهم بالتجهيز واشوف
عمتي تحجي وتضحك حتى هي وشهد تعجبت مو بس تعجبت استغربت
شنو غير رأيهااا ليش رجعت وراضية على الكُل ؟ شنو السر ؟

كملنا كلشي وگعدنا على سفرة وحده من بعد ايام
انطلقت عمتي تسولف هي ونرجس واني يمي علي الآكبر
وجهه لونه شاحب ومن ملامحه عرفت اكو شي وخايف او متردد اعرف .
بس خلصنا اني ونرجس تساعدنا نظفنا المطبخ من كلشي
نحجي ونستمع مرات للكلام ونرجع نشتغل ،بتول شايلة ايدها
كملت كلشي ونرجس اخذت الجاي وفاتت عليهم وزعتهن
رحت كعدت بصف جــود من اشر اليه اجي
دُر : باجر ماعندي دوام .
_ تريدين نسهر اليوم .
_ شنو عندك اخبار جودي .
_ بنات اربعة خوات طلبن اكل ورجع ينطي اشياء مجاني وهل سوالف
تعرفيهااا القديمة حركات 2015 .

اخذت برتقاله اكل بيها ونهض جود يحوم كل شوية يصيح بيَّ
شهد اجت يمي واشرت بيدها بعلامة فلوس
_ ورقي اليوم نسوي سهرة ليلية يگول جــود .
_ گولي اله على حسابة السهرة لا يكعد يسوي سهرات براسي .
راحت هي وياه واني بعدني اشر اليه اروح بكل اقتربت من علي الاكبر
_ اريد فلوس ؟
_ شسوين بيها .
_ لجود .
_ تنطي فلوس جايب اخبار مسمومه .
_ ليش انت مسوي شي صارحني ليش اسمع من غيرك .

فتح المحفظه سلمني فلوس وهو يأشر بيده اروح
_ روحي اسمعي من البلبل الفتان .
بقيت بمكاني اكمل اكل وفات جــود صاح
_ دقتني المثقفة لچ صااااار ساعة ننتظر .
رفعت البرتقاله وصحت بي
_ هاي شبيك انتظر بس امص دمها .
جــود : دم البرتقالة ؟
_ اي شبيك .
_ الله يا مصاصة الدماء هههههههههه ..

التفتت على علي الآكبر وعمي احتقن وجهم دم وهمَّ يكتمون الضحكة
دگ جــود على الحايط واجه يمي لزم شيف برتقال وصاح
_ البرررررتقالة بيهاااااا دمممممممم .
دُر : كافي خليني اكملها براحة .
_ هذا ماي البرررررتقال موووو دم شني هل ثقافة .
علي الآكبر: يا ثقافة حيوان وين اكو مثقف يگول دم البرتقال.
جــود : هلوووووو هذا صاير كلشي معاجبته دُر .

باوعت صفح على علي الآكبر واشرت بعلامة البسيطة وخليت
ماعوني قريب منه واني امشي حجيت
_ كمل دم البرتقال .
جــود : مو علي الاكبر فامبير .
دُر : هم زين تعرفهم وتنطقها صح ، بعمرك ما نطقت كلمة صح .
جــود : اخاف احجي وياها وتمص دمي بنت يوسف .
علي الآكبر: لا تخاف تمص بس دمي من وراك يا بلبل .

مشيت وياهم طلعنا للكراج نسولف ونتفق
دُر : اني باقية وياكم ساعة لان باجر عندي امتحان صعب .
يريد يجاوبني وفاتت ميثاق من شافتني اجت تريد تبوسني رفعت
ايدي امنعها تقترب ورجعت للخلف
_ لا تجين يمي .
شافتها بتول اشرت الها راحت فاتت واني ركضت الخاطر نرجس دخلت
هي فاتت عليهم واشوف نرجس گاعدة بصف سراج الدين تقطع
تفاح ويشوفها بالتلفون ما ادري شنو ويسولفون
_ ابنك مريض نايم بالعسل وعايف ابنك شنو خرفت تالي وكت .
نرجس من شافتها اخذت تلفونها وبدون ما تنطق بحرف ولا حتى
تباوع عليها بنظرة عافتها وتعدتها وصعدت فوك .

وگف گدامها وصاح بوجهه بس مو بصوت علي لا تحذيري
سراج الدين : قبل ساعتين جنت احجي وياهم مابيهم غير العافية
واذا صدك مريض ماكو تلفونات بعصر الجاهلية احنا ماتعرفين
تخابريني ابنك مريض .
_ خفت واجيت شلون انوب بعد مانفوت لهذا البيت صار بس المرتك .
سراج آلدين: تطلعين بكيفچ يعني تصرررررررفچ صحح ؟
ابو حسن : كااااافي اخذها وروح شوف ابنك شبي بلا كلام زايد .

بعدهم يحجون وعلي الاكبر مر مني اشر اطلع طلعت وياه هو
راح برا واني رجعت للبيت ، لليل خابرني جــود اروح هناك
هو وشهد يجهزون وشهد تصعد فوك رتبت الباقي وياها
وصعدنا بالطابق الثالث رجعنا نأخذ الاكل ما مخلي شي ما مشتري
وفات علي الآكبر سمع جــود يحاجيني
_ مختفي زلمتچ جان شلوو ولد يگعد ويسولف هسة عافچ وعافني .
دُر : شغلته مو خالية اخوك عندن شي .
علي الآكبر: شعندددددي يعني شعندي اگول لبنية شبيهاااااااا
ما طيق تشوف وجهي هذا ابو العلوم لاعب لعب

أخذني وداني للبيت ورجع هناك شكو اكل موجود نقله يمي
_ يلة اكلي ونااااامي .
_ هاي جــود جابهم شبيك .
_ الفلووووس مني.
_ جوعانة ما اكل وحدي اريدهم موجودين شبيك .
_ دُررررررر .
_ مارشميلووو وينها اليوم منك ؟

طلع وعاف البيت دقايق واجت شهد وراها جــود يمي
كملنا اكل بعدنا بالحلويات ورجع فات على غرفة بدون ما يجي يمنا
وهو قبل يحب يسهر ويانا وهو يجهز اختلف كلش اختلف
ما صدكت يطلعون فتحت باب الغرفة وحجيت بدون مقدمات هو گاعد
وحدة يگلب بالتلفون بقيت اباوع رفع راسه يأشر شكو
_ انت وين ؟
_ بالبيت .
_ ويانا .
_ تريدين شي ؟
_ بشنو دايخ منو دوختك ، اذا ببالك تتزوج صارحني .
_ اني وييييييين تفكيري وانتِ وين .

ضحكت وحجيت بقهر واشر عليه هيج من كل كلبي
_ حتى كاره صوتي ماتريد تحجي ويايَّ .
مد ايده يريد اجي اگعد تلمستها سحبني بخفه
رجع ظهره على تاج السرير وخلاني بين رجله
ظهري على صدره وراسه صار برگبتي يبوسني بضياع
_ كرهتني من سقطت مو ؟
_ نسافر ؟
_ وين ؟
_ انتِ دايخة ادري بيچ ومايهون عليَّ اشوف
عيونچ بيها حزن والف سؤال .
_ يعني .
_ صديقي زوجته شلون اشرحها يعني .

يريد يحجي بس خايف ومتردد لدرجة يحسب حساب لكل حرف
ينطق بي ويفكر بي يخاف يجرحني لو يقهرني بي
علي الآكبر: هم يصير عدها نزف من اقل حركة ورحمها تعب
يگول هل دكتورة وردة وقفت النزيف وسيطرت على وضع الرحم .
دُر : تريد اطفال .
_ وداعت لوعت گلبي عليچ بكل مرة جنتي تعوفيني
وحگ كل ليلة جنت انظر بيها جوة بيتچ بس اريد المح طولچ
وحگ كل مرة تمرين مني وما تشوفيني بس روحي تفرح برن كعب حذائج
وحگ كل ذرة حب بگلبي الج احبچ حب ما يخلص .

لزم وجهي يمسح بدموعي بـ اصبعه ويهز براسه يحاجيني برهبة
_راح تعوفني والله تمل مني وكلها تضغط عليك وتتزوج تبدلني .
_ ما اعوفچ لو ابدلچ بيوم الخاطر طفل طفل من غيرچ ماريد
لو انتِ ام جهالي لو ليصير عندي جهال اني راضي انتِ بس انتِ
اني ابوس راسچ وايدي بس ظلي ويايَّ لا تعوفيني دُر .
_ اذا اظل وياك تصرفي اناني يصير شنو ذنبك ؟
_ اناني شنو بوية بنيتي انتِ بنيتي ، من سمعت كلامچ انتِ ونرجس
وتفكيرچ تريدين تعوفيني متت بالدقيقة الف موته خايف وحگ علي
خايف بيوم صدك تسويها وتعوفيني الخاطر طفل .

اشرت بيدي من شفت رجفته وخوفته وعيونه ذبلت
وضعيته كلها تخربطت جان صابر يحرگ بروحه مايحجي مثلي
دُر : اخوانك كلهم عدهم اطفال بس انت علي الآكبر شنو ذنبك فهمني .
علي الآكبر: اذا الله ما كتب بيوم النا اطفال انصير اب وام لكل الجهال
اخوانا كلهم نصير اب وام ونسمع كلمة بابا وماما عادي عندي .
_ ميصير والله ميصير .

ظل يقنعني ويحجي بس عقلي ما يستوعب شلون اخلي ويايَّ هيج
خلاني انام وهو احس بي يفكر وحاير ما ادري بشنو يفكر وشنو يقرر
ثاني طلعت اريد اشوف شهد ونرجس بس عبرت الممر شفتها
مبدلة عبايتها وبعدها بنفس لبسها للعباية والربطة تسويها بشكل
يرسم وجهه وعيونها تضوي مثل البزون
ام حسن : عمه دُر هسة اريد اصيح عليچ سراج الدين راح ياخذنا
انا ونرجس وشهد للزيارة ما نتأخر ، وهاي بتول عرست ويانا
راحت البيت اهلها وظل عمچ والولد بدون غده سوي الهم اكل
فدوة يمه ولو راح اتعبچ ، اذا تريدين مقلوبة سهلة عليچ نفس قبل .

هي حجت هيج لو كهربتني وعلي الاكبر مد راسه سمعها من تحجي
رفع حاجبة بغرور وابتسم بفخر وجود طلع من المطعم يصيح
_ نريدها بحُب وبووووس ورومانسيات .
علي الآكبر: موجودين جاهزين .
رفعت راسي اشرت بغرور
_ أشكركم ارتاحوا ما احتاجكم .
جــود : اليوم نظل لليل جوعانين .
علي الآكبر: العناد ما انصح بي .

شمرت شعري بالهوا من طلعوا ودخلت للمطبخ افتر وراسي افتر
اتذكر اكو جان بيتنجان بالأكل وبطاطا وبعد شنوووو لازم اتذكر
اي كل الخضروات بس الخيار ماكو بيها ، بعد شسوي
خليتهن وصفنت بيهن ، بعدني افكر وباوعت من الشباك يحووم
علي الآكبر ينتظرني اروح واتنازل واطلب منه
ابو المارشميلو بحلامك ، تذكرت عندي مساعدة كفو
بحثت اسمها وخابرتها جاوبتني بسرعة
_ ها دُر خابرچ يشكي مني موووو ؟ هذا راح اخبله هو ومرته
لووو اني لو همَّ هل همج هو والخايسة مشكل حزب امووته والله .

بقيت صافنة اخاف حتى اطلب منها
_ يا ستار شبيكم ما تملون من المشاكل .
_ خليني بحالي دُر خليني اذا ما اشرد لو اشردهم .
_ احد ضربچ ؟
_ ما عاش والله ما عاش .
_ لعد علميني على مقلوبة شلون تصير فدوة
اذا ما اسويها افشل واذا افشل اصير مضحكة اليوم الجود وعلي الآكبر.
_ بيها تحديات الله لعبتي شدي حيلچ .

بقت تعلمني الخطوات وكُل شوية تهمس
_ انتبهي لا يكشف انتِ تخابرين وتفشلين بالزايد .
بقيت بين الجدر وبين الباب شوية وحسيت احد اقترب يمشي
خليت المبايل بملابسي وكملت قلي
علي الآكبر: استغربت ما احترك البيت شعجب ؟
دُر : اسم الله فال الله ولا فالك .
علي الآكبر : شني الـ بيتنجان گلبتي ما گلب وحدة .
_ وين اكو بيتنجان ينگلب وحدة جني بي .
_ الله يرحم .
_ شنو قصدك ؟
_ تحتاجين مساعدة اخليچ تگعدين وانا اشتغل والله .
_ شكراً انت شوف شغلك بالمطعم اموري تحت السيطرة .

ظل واكف صافن شلوو وحدي اطلع بالمقليات واخلي غيرهم وثابته
واسيطر اروح اسوي سلطة ناعمة ، اشرت اله يروح لان راح
يخلصن المقليات وما اعرف الخطوا الي بعدها ، رجع للمطعم
كملت وياها وهي تضحك علينا
حُــرة : لا تخليها بس ناشفة مقلوبة طلعي دجاج وسوي سوب اصفر .
_ اخاف اتأخر وتصير صعبة .
_ اسمعي الكلام .
بقت تعبمني خطوة بعد خطوة الى ان كملت المقلوبة والسوب
والسلطة والخضروات طلعتها وخبطت لبن وفرشت سفرة
وقلبت الاكل رتبته ترتب وصحت عمي والولد كلهم
واخر شي دخلوا علي الآكبر وجود صافنين أكلوا صدمات عمرهم .

التفتوا واخد يباوع بوجهه الثاني ويتصفون عمي عاط بيهم
گعدوا يشوفون بالسوب ويرفع الكاسة جــود يشمشم بيها
دُر : شبيك ابو شمه ليش تشمشم .
_ ولكم ماكو زفر مطبوخة باحترافية .
علي الآكبر: طباخة بعد حرمة الشيف علي الآكبر .

بتباهي گعدت وياهم اكل وخشمي مرفوع وكُلها
تعجبت على اكل وحسن يصيح
_ بعد ممنوع احد غير دُر يطبخ سوب الدجاج الأصفر .
من الفخر هزيت رگبتي بدون ما احس على روحي
من حاولت اتذكر شلون طبختها والخطوات اكتشفت روحي نسيت
كلشي ينحفر بعقلي بس الطبخ الوحيد مو اصدقاء بالحفظ .

كملوا وكلهم غسلوا وبقت الهوسة على راسي شلون بيَّ
هنا هم اخابر حُــرة تنقذني يا مصيبتي لملمتهن غسلتهن
وجود اخذ جاي شربوا وكلهم رجعوا يشتغلون بقيت بالبيت
اريد ارتبه وشفت غرفة شهد مفتوحة والكنتور مالتها مفتوح شوية
دخلت من لمحت ذيل فستان طالع فتحت الباب أتلمس بالفستان
مبين فستان خطوبة جديد وحذاء عالي مقاربة النفس لون الفستان
ملت روح واشوف فوك علبة ذهب ومن ضمنها علبة حلقات
مكتوب على كل حلقة اسم (شهد ) ( بدر )


يتبع.....

𓆩 اســاور حــسين 𓆪
بقلمي رواية : الــرياش

مَحتاج نَگعد سَوه..وأحچيّلَك شگَد خَفت
مِن راحَت عيّونَك و مِن گتلِّي خَل نَلتقِي
صَدگنِي مَرنّي القَلق،أبديّلَك بيا بَچي مِن تسأل شلونَك؟

لطفا لا تنسون التصويت والتفاعل بين الفقرات

⊰حُــرة⊱

فزيت على صوت رنيم تصيح بالممر ، اكرها ما احبها بس نادراً
يرتفع صوتها ، مديت راسي شفتها لازمة صفية من ملابسها وتسحب بيها
رنيم : بيتي ممنوووع يشتغل احد ينقل حجي اقذي عليچ .
حُــرة : شدعوة يا فلاش يقاصرووو تقضي عليها مزيلة البقع الصعبة .

رنيم : انتِ صوتچ ماينسمع لووو نسيتي .
حُــرة : ذكريني اذا انتِ بنت امچ وابوچ حتى امسح بيچ البيت .
ريــان : حرررررررة  .
حُــرة : نعم .

اشر على باب غرفتي دخلت اخذت مخدة وسحلت غطوة
فرشتها بالارض وگعدت متربعة وطبگت باب غرفتي بكل حيلي
_ لاااا تتأمر اني وين ما يعجبني اگعد .
اجه يمي يريد يلزمني من ملابسي رفعت اصبعي بوجهه
وهو قريب مني همست بصوت خافت الى درجة بس هو يسمع
_ اذا تهيني وتصغرني مقابيلها يا ريــان دقيقة ما اظل وروح مصطـ .
ضربني بـ اصبعه على شفتي وهمس بتحذير
_ اذا تكملين يا حُــرة وحق الحق تقوم القيامة عليچ .

رفعت راسي ودرت وجهه انزعجت من قربه
صعد انــور شافني هيج ظل متعجب
انــور : والتالي ؟
ريــان : من اموت يرتاحن .
انــور : موتهن هل عرمات وخلص .
حُــرة : بسيطة اني اعلمك انــور الله كريم بعد ما تحتاجني .
انــور : وهاي بنت عمك ركز على سحل مالتهااا والسانها من العرگ .

انقهرت منهم عفت كلشي ونزلت على حريقة
وطلعت حافظة التلفون اكتب بيها كلشي بداخلي
شمرت التلفون من قلة الحيلة احجي اني وروحي
من شفته طلع صعد السيارة وركضت صعدت ورفعت اصبعي
_ اريد بيت صغير .
ريــان : السبب .
_ لا اتحملك ولا اتحمل مرتك ؟
ريــان : ويمكن ما تتحملين تشوفيني متزوج غيرچ .
_ لازم نسيت انت ماتهمني .
_ انزلي من السيارة اريد اطلع .

ضربتها برجلي بكل قووووتي وكلبي مفووور بعد ما اتحمل برودة
_ شبيك انت ها شبيك ؟
_ انزلي .
_ اشرد منك .
_ الباب مفتوح .
_ لو انتحر وابليك .
_ مايهم .
_ انت عقدتني ما اريد اعيش هنااا .
_ تعودي ، واذا ماتريدين تتعودين بلغيني .
_ بلغتك .
_ اتصرفي مثل ماتحبين براحتچ .

نزلت من السيارة اشهگ وين جان قبل ريــان وشلون صار
مررررهني اني مو آشك متأكدة كرهني من عرفني متزوجة بس اني ما
ركضت البيت اضرب بالبوب اريد اوصل غرفتي
رنيم : هههههه ابقي حاولي وياه وكثري لواگه وتملق وتوسل ودموع
بلكي تقل لعبان النفس الي يحسها تجاهج .
خفت ادفعها وهي حامل كبرت عقلي وبآخر لحظة عبرتها وصعدت
واني اريد ادخل الغرفة سمعت انــور يسب بيها ويهددها
وهي تتوعد بريان وبس يرجع تحجي جاوبها
_ اني اخابر ريــان الج ليش تنتظرين وتبرد اعصابچ .

خابره يرن يرن ماكو من كمل رجع ريــان هو اتصل فتح صوت
_ريان رنيم وحدة ** و***
اذا بعد صوتها يطلع بالبيت لو تجاوز على بنت عمك ادفنهاااااا بمكانها .
رنيم : الله يرحم جنت شنو تسوي باختك هسة بنت عمك صارت عزيزة .
ريــان : ررررررررررررنيم .

شمر انــور التلفون وهجم عليها ركضت الزم بي اخاف توگع من الدرج
عركتهم كلها صارت على هل بايات الخطرة انرعبت صرخت
وحميتها حتى ميصير شي بالطفل مو الخاطرها
عافها من سمع ريــان يصيح وينهي على ضرب
طلع من البيت كله واعصابه شبه منتهية
دفعت رنيم ورجعت على غرفتي نظراته بروده ماتروح من بالي
گعدت والأول مرة تنزل دموعي على هيج موووقف يدمرني دمار .

بقيت لليل افتر بالغرفة وافكر شلون اضيع وقتي مليت من روحي
شفت فديو عن دورة تعليم انكليزي خليت الموضوع براسي
اتعلم واشغل نفس احسن من مشاكلهم حتى بعد ما اشوف احد بيهم
واني اشوف مكانها ونظامها وشوف طبيعة تدريسهم غفيت مقهورة
قبل اذان الفجر بربع ساعة حسيت بصوت باب غرفتي وشخص يقترب
من سريري فتحت عيوني بمجرد ما صارت ايدي على راسي
حُــرة : ريــان .
نطقت بـ اسمه استعدل وگف لازم تلفوني يسد بي وشمره على سرير
_ ازعجني تلفونچ للصبح مشتغل فديو قفلي ونامي دوختيني .

كمل كلامه وطلع واني بعز صدمتي هو شنو اني متأكدة قفلته ونمت
طلعت توضئت وفرشت السجادة قريت سورة الواقعة بين ما كملت
اذن صليت ورجعت كملت نومتي الثاني يوم من الصبح گعدت
اريد بس احصل ريــان احجي وياه ماكو طالع للشغل
لهيت نفسي اني ورضية لو اصعد فوك بغرفتي وتلفوني
تذكرت دُر من جانت تشكي من الوحدة هل بيت بي طاقة
تخلي الشخص يريد يهج من الملل بكبر حجمه بس محد يرتاح بي .

للظهر رجع انــور قبل ريــان من شافني ابتسم
_ ها شبيچ نملة ؟
_ اگلج ريــان شوكت يرجع ؟
_ للعصر خابرته عنده شغل .
_ انــور عادي اسجل بدورة تعليم انكليزي؟
_ اي شكو بيها طوري هل لغة مهمة .

حجاها وكمل طريقة صعد فوك صحكت وصحت علية
_ اجهز غداك بدل وانزل انــور .
_ مايحتاج انام من اكعد اكل .
بعدني استمع وفات ريــان حتى دخلته هدوء وملامحه بيها سكون
_ الله يساعدك .
_ هلا .
_ تريد تاكل ؟
_ لا .
_ صيام انت واخوك .
_ نعم .
_ ماكو شي احمممم تريد جاي قهوة ؟
_ اريد انام .
رنيم : عوفي ينام ليل كُله يلوب وينود بالبيت خطية مشتغل حراسة .

التفتت على ريــان ينظر بوجهي بحيرة وضياع
عيونه حزينة تعبانة ذبلانة مو مثل الفترة الفاتت
دفعها من كتفها وصعد للغرفة، نزلت هي للمطبخ بينت
روحها واني استغليت الفرصة وصعدت فتحت الباب
شفته ينزع بالسترة ويتأفف بتعب وارتباك
_ ابن عمي .
رفع راسه خزرني ورجع للكنتور يطلع ملابس حتى يبدل
_ عندي موضوع وياك مُهم .
_ من استقبلتيني من الباب عرفت عندج غاية مو لله .
_ عادي اذا تحب استقبلك كُل يوم .
_ اي مو عايز قهر ، ما اريد لا تسوووويهااا .
_ ليش عصبي يا عيني اعصابك حتى احجي مو توترني .

اجه يقترب مني بخطوات محسوبة صار مقابيلي ونزل راسه
بمستوى طولي مبتسم باصبعه يضرب براسي
_ تذكري شنو حجيت بسفرتنا .
_ شنو .
_ تتذكرين .
_ ذكرني .
_ يتغير ريــان ، والوضع مايظل شي مثل قبل .
_ لان مانلت الي براسك تسمم حياتي .
_ اطلعي برا .

تكتفت وضحكت واني اجاوبه بكل جدية احجي ومن كل عقلي
_ لازم نسيت مخبلة اني مخبلة .
_ على نفسچ مو على احد .
_ اخليك مخبل .
_ خليتيني .

بقيت ساكته مخنزره بوجهه وهوَّ ينزع بالقميص حتى انحرج واطلع
عاندت وبقيت وحتى الفانيلة نزعها ظل بالبنطلون وراح شغل جگارة
لان بعد مايگدر ينزع اكثر يعرفني طگه ونص هسة اشهره شهيرة
_ سجلني بدورة تعليم انكليزي اريدها .
_ ممنوع .
_ بين ما تخلص هل سنة حتى اقدم سادس سنة الي تجي .
_ ماكو مدرسة .
_ لك هيووووو مو بكيفك  .

لزمني من ملابسي شمرني على تخم وبيده الجگارة
يقربها من ايدي لازم جسمي مسيطر عليَّ برجله
مردني مرد وهو ضخم واني نملة صرت جوة ايده
رفع ايدي صاح بهتديد وعيونه تبث شرار الغضب
_ احرگچوالله احرگچ اذا ترجعين وصوتچ يرتفع بوجهي وتتجاوزين .
_ لا تهدد ريــان لا تهدد .
_ اهدد وانفذ واكسرررر هذا راسچ اليابس .
_ اذا انت گدها سويها ، لا تخليني انزل دموعك والله احترم نفسك وفكر .
قربها من ايدي ضحكت وسحبت ايدي الثاني ودفعت ايده الي بيها
جگارة طفيتها بيدي خليته يفز من مكانه فاتح عيونه يرجف
مايگدر حتى ريگه ما يگدر يبلعه ، لزمت ايدي من الوجع
وطلعت من الغرفة .

قفلت باب غرفتي وفتت للحمام اغسل بيها بالماي البرد جگارته
من هاي الضخمة الجوزية اسمها كوهيبا حفرت واكلت الجلد كله
وصارت دائرية بيدي تاكل بكلبي من الوجع ، دقايق واندك الباب
انــور : حُــرة وينچ آمشي اريد اكل .
تجاهلت كلامه وگعدت على سرير متأكدة ريــان دزه عليَّ انــور
هيج وكت ما يگعد قبل شوية مصار دقايق من نام لليل يگعد
انــور : امشي نروح مستشفى شوفون ايدچ .

اذا ما تندم يا ريــان على هل معاملة مالتك اني مو حُــرة اني خليني ساكته
الأفعال تسولف انت وراسك اليابس وعنادك ومعاملتك هاي لو حُــرة
انــور شلون عنده خلگ يتوسل روحه ما يطيقها مرات عافني وراح
ربع ساعة وصبرها ادري بي على نار الى ان انفجر واجه يضرب
على باب وبصوت يرجف صاح بيَّ
ريــان : افتحي دمچ يتسمم وتموتين افتحي الباب .
فتحت الماي خليت ايدي فززني من ضربة ضربة احلف ايده تفلشت بيها
ريــان : مووووووو احچي وياچ حُــرة افتحي لا يتفلش .

بعده يهدد ابن يوسف بعده ، اسمع صوت وفاء طلعت من غرفتها
تسأل بي ورنيم تجاوبها هو متجاهل هل اثنين ما يجاوب ولا يحجي وياهن
رنيم : عيني الطفلة تهز كيانة وبس شوفي ابنچ
بهل طول والضخامة بنية زعطوط فرته فر بتك اصبع .
وفاء : شبيها نسل ياسين كل سم ياسين وعقليته مزروعه بيها .
رنيم : حرگت روحهاا يمكن لآن متجاهلها تريده تحت امرها .
انــور : انتِ وياها دقيقة بس دقيقة اذا تبقن أوزّع دمچن على حياطين
اصبغغغغ بيچن البيت كلبي مووووورم موووووورم منچ ومنهااا .

اغتاط ريــان ورجع يضرب على باب بريد بس اجاوب
عاندت وثبتت مو هددني اني نفذت تهديده حتى يتوووب
ظل يحتول ويحجي واني قفلت لا اجاوب ولا افتح باب
جابت رضية المفاتيح ما ينفتح الباب لان بالصفحة الثانية
بقيت مفاتيح ، ظل يرفس بي يريد يكسره ما ينكسر
انــور : ريــان وين رايح .
ثواني ورجع وصارت ضربة رجت الغرفة رج على باب
انــور : يمعووووود شبيك تفلش الباب هسة من الوجع تطلع .
ريــان : ماكو صوتها بس لا تخربطت .
رنيم : راح يموووت فلش الباب وياه خلي يشوفها حتى يتنفس .

هي تحجي صرخت صراخ ما ادري منو ضربها بس من لحظتها
ماسمعت صوتها وفاتت غرفتها وفاء عافت كلشي وطلعت
ريــان : حُــرة اني اسف غلطان بس افتحي الباب بعد ما اعيدها ما اهدد .

رجع يفلش بالباب الحد ما وگع وانفتح ودخل واني ختلت بفراشي
لازمة ايدي وجعها فضيع ، رفع الغطوة مني وگعد سحب ايدي
وأني مغمضه عيوني ما فتحتها ابد شافها وصفية تحجي
_ بابا هذا مرهم حرق .
_ لا لا لازم مستشفى .
رسم دائرة على مكان تأذيت كشرت وجهي من الألم
_ حُــرة امشي بدلي نروح للمستشفى يلة عيوني .
بقيت على نفس وضعي شالني وگعدني وابتعد
_ مو احجي وياج .
لزمت ايدي بس ما أبين وجعي هيج ثابته دمعة
شنو الدمعة ما انزل گدام احد .

انــور واكف باب الغرفة مكتف ايده صافن
_ مو يحجي وياج خرسة ؟
حُــرة : لا تدخل .
ريــان : اسكت يمعووووود لا تدخل .
حُــرة : ينبص روحه بكلشي .
انــور : گعدتني من النووووووم واني دوام وتعبان وتسكتني
والله گالت اسكت انت تگول اسكت وراهاااااااااا من *** عليك وعليها .

عافنا وراح يسب بينا رگع غرفته بكل قوته بقيت هذا حالي
ريــان : اسمعي الكلام وتحركي .
حُــرة : ميحتاج شكرا روح ارتاح .
_ اخذچ غصب ؟
_ رجاءً اطلع .
هجم عليَّ شالني يريد ياخذني رفست برجلي وصحت
_ لاااا بس ملابسي ابدل ملابسي .
وجهي قريب صار من وجهه عيونه نزلت على شفايفي
اخذ شفايفي بين شفايفة يبوسهم بهيام ورغبة فصل البوسة
ونزلني وهو يعدل بشعري وينزل ملابسي واني مبهوته .

گعد على سرير طبگ رجل على رجل واشر على كنتور
_ انتظرچ هنا فوتي غيري ملابسچ .
اشرت على شفايفي ورفعت حاجبي واقتربت بغضب صحت
_ هاي شسووووووووويت ؟؟؟
_ اعيدهاا ؟
_ منو سمحلك .
سحبني من ايدي وگعني بحضنه ولزم وجهي بيده ورجع
اخذ شفايفي بتملك ويطول واني ايدي اريد ارفعها ما اگدر
ريــان : هيج سويت .
دخت لزمني من ايدي مبتسم طوق خصري وگعدني على سرير
_ قنعيني انتِ رافضة بوستي وقربي منچ .

دفعته من صدره حتى يبتعب مني ويترك مساحة بيناتنا
كمزت من بين ايده اخذت تراك ودخلت للحمام
من طلعت شفته مبدل منتظرني بالباب لزمني مني ايدي
ونزلني ، صعدنا هو يسوق بسيارته واني درت وجهي منه بعيد
نزلني گدام المستشفى دخلني طوارئ اجت بنية لابسة ابيض
جميلة بشكل لا يوصف ، تعقم بالجرح وتسأل بي وهو عيونه
ما بعدها مني ، قبضت ملابسي بيدي الثانية حتى ما اصرخ ويشوفني
بس من ذبت ماده وصلخت الجلد شاغت روحي ما تحملت بقيت ارافس
واني مرضي اخذ حياي بعد مابيَّ حيل وجع جديد
_ راح اخلص عيوني شبيچ هرجتي الطوارئ ههههههه .
خزرتها من شفتها تحچي هيج وتضحك بوجهه عبالها خفيف
ويقلدها الضحكة اقترب مني من رادت تكمل لزم راسي
وحضني حتى ما اشوف شي عضيته من كتفه بكل قوتي
وهو لا ون ولا صرخ ولا حس عبالك مخدر .

بمجرد ما كملت شلت راسي رفع ايدي باسها وهمس بصوت
ندمان وعيونه تلالي تلمع يمسح بوجهي بيده
_ اسف بعد ماعيدها واهدد بس لا تأذين نفسچ
لا تاخذين بكلامي واني عصبي .
رجعت البنية هو ابتعد مكتف ايده كملت كلشي طلع للحسابات
دفع الحساب ورجع طلعني خليت راسي على شباك بس وصلنا
نزلت ورحت على غرفة دُر لان باب غرفتي صار خلاعي .

امنت من قفلت الباب بليل اجه حاول يدخل مقفول
اسمع صوت غريب بالبيت عرفت يسون بالباب
الثاني يوم طلعت وإيدي ملفوفه طلعت افتر بالحديقة
البرا ودُر خابرتني صوتها غريب مادري شبيها
بقت شوية وراحت ، فتت على صفية اسولف وياها
دوختها عافتني وراحت تكمل شغلها
حُــرة : صار عليچ ضايجة انوب شلون اظل احجي اني والحايط .
بعدني امشي ودخل ريــان من شفته تخربط وضعي سرعت مشيتي اريد
اصعد اعترض طريقي ولزم ايدي ثبتني على محجر الدرج
طلع ورقة يهفي بيها على وجهي ومبتسم خفيف
_ آخذيها وقريها .
_ ورقة طلاگي ان شاء الله ؟
_ تريدين تطلگين ؟

غلست واخذتها هو قرروويب قررريب حيل مني واسمه
وراسه صاير بشعري يجر بالنفس من كل گلبه واني
زدت عبالك ما ادري بس لو بيدي انطي ضربة بنص
بطنه اشل حاله وحال اهله الخايسين ، قريتها وعرفت
ورقة تسجيل معهد انكليزي ذبيتها بالارض ودفعته
_ بعد ما اريدها .
حجيتها وصعدت سحبني حيل وعاط بوجهي
_ ليششششششش ، تلعبين عليَّ انتِ شنووووو موضوعچ ؟

جريت ايدي بكل قوتي وصعدت سريع اريد اقفل الباب دفرة
ظل يردم بالحايط ، عبرت من ايده اريد اطلع وانزل ارجع
وجر ايدي شمرني على حايط بنص الصالة بين الغرف
_ موووو احجي وياچ .
_ ما اريدهاا بعد شبيك ريــان .
_ شبيك صدك تحجين شبيك ، البارحة مو عرس وفلم دراما على
راسي وراس الخلفوووووني علمود هل معهد .
_ كرهته ذليتني بي طلعته من عيني .
_ شوكت ولچ شسووويت .
_ مو حرگتني علمودة وليل كُله اتعذب وحدي من الوجع .

نزلت راسي رجع رفعه بـ اصبعه ويحجي ومنفعل
_ مو اجيت ودگيت الباب واعتذرت وتوسلت اني المذلول والله
اني كرررهت ووحي من هاي تصرفاتچ احتاريت وياچ .
_ اخذني بالسيارة وخليني بالشارع بعيد على بيتكم بمنطقة مقطوعة.
_ چلبة انتِ حيوانة اشمرها بعيد حتى ماترجع ؟

اريد اروح من عنده رجعني ضربت رجلي بالارض وصرخت
_ بديت تتجاوز .
_ باجر اول يوم بالمعهد تجهزين روحج سويت الج خط .
_ ولا اروح الغيها شغلة انذليت بيها ما اريدها .
_ ادوس على راسچ وراس الخلفوچ هسسسسسسة ؟

دفعني وراح يمشي ويحجي بصوت عالي يسمعني
_ باجر أني اوصلج الساعة 9 افوت للغرفة اذا ما مجهزة نفسچ
اعرف شسوي وشلون اتصرف وياچ مو اني تلعب عليَّ طفلة .
_ الشايب العايب .
ينزل الدرج واني استغليت الفرصة احجي
_ اني ادرس راسك وراس اهلك ، والعب عليك وعليهم
واعاند واصيح وما اسمع كلامك والي براسي اسوي ريــان
منو ريــان ما اشوووفه ولا يهز رمش عيني  ومو اني حيوانة هو حيوان .

الطفرة الي طفرها سوت عندي شلل مؤقت على شبخات الي شبخهن
ركضت واني اضحك بعلو صوتي اريد بس اوصل للغرفة
وايدي رافعتها واصيح واضحك من كل عقلي وما احس غير  لزمني
دفعني بالغرفة وقفل الباب ينزع بالسترة شمرها وهو يسألني
_ تعالي دوسي راسي بالله .
_ ادوس راسي وراس الخلفوني وصلاة امي وابوية اسفة .

يهز براسه ويفتح بدگنة ايده مال قميص ويحجي
_ اريدچ تلعبين عليّّ لعب هسة تعبيني .
_ لا عيني اتعبك شنو انت من الأساس تعبان وانسان طيب
وعندك شغل روح عيني اني طفلة ماعرف مرات شنو احجي .
_ تحملي نتيجة اغلاطچ .
_ اني مو خوش ما اتحمل نتيجة اغلاطي لك عيني
اوكف لا تذب القميص حلو عليك انتظر بس احجي .

فتح دگم القميص ونزعه شمره بعيد على سرير واتقدم وهو يسألني
_ حيوان اني مو ؟
_ اسد واحلى اسد ابن عمي تاج راسي وراس اهلي واهلك .
_ تاج راسچ اليوم يرجع يربيچ ابوچ ملتهي يصلي ناسي يربي بنته .
_ ريــان مو اضربك بدون ما احس واخليك ترافس هنا .
_ تعالي نرافس سوية .

تقرب لزمني من ايدي بكل قوته وسحبني عليَّ يبوس برگبتي
دفعته واول ما شفت وجهه ضربته براشدي بكل حيلي
لزم وجهه ودار عيونه عليَّ من شفته شلون يباوع بوجهي
وضاغط على اسنانه وطگ شريان براسه هيج برز
جمدت بمكاني ورفعت ايدي على راسي اثنينهم اخاف انضرب
صدمني من سحب القميص والسترة مو السرير فتح الباب وطلع يستغفر .

گعدت بمكاني اباوع على ايدي الي ضربتها بي صارت دم زراق بيها
بجيت من كل كلبي وكرهت نفسي على تصرفاتي وياه
ما اريد يقترب ما اريد احبه ، هاي المشاعر بگلبي بكل مرة اشوفه
ما اريددددها تطور وتصيررر تعلق وغيرررة ريــان مو اليه
اني بهل علاقة طرف ثالث لا اكثر ولا اقل .

بجيت وعاتبت نفسي الى ان تعبت بقيت بلا اكل ولا شرب لليل
اكلت روحي من التفكير والقهر ، اني اعرف وقته بـ10 ينزل
بالحديقة على برودة الجو ، لبست ملابسي دافيات وما ادري
ليش رتبت روحي وحتى حمرة خليت ونزلت فتحت الباب
لمحته من بعيد گاعد طابگ رجل على رجل على كرسي ابيض
وميز ابيض مرجع ظهره ويقرا بكتاب صار هواي يقرا بي
وقريب منه كوب يشوب منه ويرجعه يطلع بخار
رجعت ايده وراه ظهري واقتربت من عنده
وكفت مقابيله اباوع بوجهه اريد يرفع راسه طلت النظر وهو
معتبرني حتى ما موجودة ، خليت ايدي على كتاب ورسمت
خط مستقيم وصلت لصدره بقيت امشي اصبعه على رگبته
غمض عيونه ورجع اكثر ، وصلت الوجهه رفعته ثبت نظراته بعيوني
اقتربت وملت روحي بنفس مستوى وجهه مبتسمه
_ اسفة صياد .

سد الكتاب وبكل هدوء يتصرف نزلة على ميز
ولزم ايدي وهوَّ يسحبني استأذن
_ عادي تگعدين هنا ؟
گعدني على رجله درت وجهي على مكان الحرس ماكو
رفع ايده فتح شعري وينزل بي عيونه خدرانه ذبلت
تلمس وجهي وبلع ريگه من وصل لشفايفي يرسم بيهم
_ كل ما ابوسهن انضرب .

صعد ايده يتلمس ارموشي ولزم وجهي قربه منه اريد ابتعد ثبتني
باس راسي وطال بيها شعري تناثر يغطينا ونزل باسني بين خدي
وعيوني وانفي بوسة هادئه
_ بنفسي ابوسچ بوسة بعد بوسة بكل مكان بوجهچ تخليني ؟

غمضت عيوني اتنفس سريع وبصوت مسموع صدري صار يعلو
وشفايفي يبست اتخربط وضعي وحساس غريب انتابني
_ وبعدها اضربيني قابل .
_ الصياد .
_ انصاد من الحرة .

رن تلفونه استغرب من الرقم مكتوب انكليزي الاسم ما لحگت اقرا
رفعني گعدني بمكانه وقبل لا يرد باس خدي وهو يهمس بحنية
_ دقيقة وراجع يمچ .
بس ابتعد بقيت اركز بي بمشيته، بطولة يمشي وايده بجيبة
ويستمع للمتكلم ، صحيت من حالتي عبالك انضربت على راسي
ركضت بكل سرعتي للبيت قبل لا يكمل وصعدت قفلت غرفتي
خفت يجي ، خفت ياخذها نقطة استسلام مني ويحاول يتجرأ اكثر .

بس دخلت شفت تلفوني يرن اني هم جاوبت على دُر وصوتي
ما ادري ليش يرجف مفضوووح يفضحني
احجي وياها وامسح بوجهي ، فتح البردة صار مقابيلي
ورنيم گاعدة على كرسي ثاني وتحجي وهو بيده الكتاب

وكل شوية تضحك حسيت بيها تستفز بي بالكلام
عافها ودخل للبيت وهي تمشي وياه وتحجي مكملة
دقايق كلها دقايق وسمعت صوت صراخ مرعب
وضربات قوية ، فتحت الباب وانور فتحه بنفس الوقت
دفر باب غرفة ريــان ودخلنا رنيم مشمورة فاقدة الوعي
ركضت عليها اشوفها وريان جامد بس دموعة تجري
_ تعبتني دوووووختني خلوووووووهاااااا تسكت
انووووووررررر راسي ضرررربتهاااااا خلتني ارفع ايدي عليهااااااا .

لزمة انــور گعده على سرير وركض على مجر طلع مفتاح من جيب
البنطلون وفتحه طلع حباية ورجع قفل المجر ورجع على ريــان
جبره يشربها ورفع راسه لدقايق وهو يصيح بوجهه
_ ريــان لا تخاف مابيها شي راح أوصلها للمستشفى
مابيها شي والله بس خليك وياي لا تخاف لا تتوتر .
شفت انــور ايده تصلبت ونزل هل تصلب على رجله
انــور : ررررررريان لااااااااااا لك ماكو شي خرب هيج حب
مووووو زين اگول الهممممممم مووووو زين ريــان خليك ويايَّ .

من الهبطة گعدت بالارض رنيم راسها بحضني وعيوني على ريــان
تذكرت من دخلت بالبيت القديم مرة وشفته بالارض واگع يمكن
جانت عنده هاي الحالة يتصلب كل جسمة من العصبية لو القهر
عفت رنيم وركضت اضرب بوجهه واهز بي واصرخ
_ ررررررريااااااان شبيك رررررريان حباب لا تعوووووفني
اني خااااايفة ريــان هااااي رنيم خايسة مابيها شي شبيك
هسة والله هسة نأخذها مستشفى هي فتحت عينها انت شبيك .
طگ خشمه دم وغمض عيونه القميص انصبغ احمر
اله صار يصحصح ويسمعنا اشر على انــور
_ اخذها انــور ساعدني اخذها ابني لا يمووووت .
شالها ونزل يركض سريع خلاها بالسيارة وانور صاح
_ حُــرة قميص بسرررررررعة .

اخذت تيشيرت من الكنتور ونزلت اركض راحوا واني
وصفية نفتر بالبيت اريد بس اسمع منهم خبر شلونها
اخاف بيها شي شلون اذا صار عليها وعلى طفل شي
صعدت بغرفتي رجلي وگعت من الفر بنفس المكان
للفجر حسيت بيهم رجعوا فتحت باب غرفتي صار
ريــان گدامي وانور رجع للغرفة مالته
_ خليني يمچ حراير تعبان .

ازمت ايده من مال جسمه على باب دخلته وسديت الباب ساعدته
يذب السترة راد ينزع القميص صحت
_ لا رجاءً نام هيج .
بدون رد فعل ذب نفسه على سرير منهك تعبان ومد ايده
_ تعالي يمي .
_ لا نجبرني ريــان نام .
_ الزم ايدچ بس ايدچ فدوة .
نمت بعيد واخذ ايدي حضنها ببكل تملك وحُب ونام .

غفيت واني موكزة بي بحيث احبامي صارت عبارة عن ريــان
الثاني يوم على خفيف طلعت اريد اشوف رنيم غرفتهم بعدها
هوسة وماكو احد ، رجعت للغرفة اخذت ملابسي ودخلت اسبح حتى
اصحصح ، واسمع تلفوني يرن برا ، بدات ولفيت المنشفة على
راسي وطلعت شفت ريــان گاعد اشوف بس ظهره ولازم تلفوني
من وصلت يمه سحبني من ايدي وجر المنشفة من راسي
_ دُر تخابر .
_ شبيها .
_ من سمعت صوتي سدت الخط .
عدلت شعري وسألته
_ وينها رنيم ، شلون صارت ؟

گعدني بمكانه وراح ياخذ بملابسه
ريــان : بيت امها راحت ، زينة مابيها شي صار عدها هبوط .
_ متندم ضربتها .
_ اي حالف ما اضرب شخص اضعف مني قوة .
طلع من الغرفة ، خليت المبايل على ميز ورحت اسرح بشعري
رجع التلفون يرن من جاوبت طلعت دُر صوتها مرعوبة على مبحوح
_ حُــرة لچ حُــرة طلعوا مجهزين الزواج شهد خطبتها اليوم خطبتها .

كفختني على وجهي بكلامها وهي تسألني
_ شسوي لچ انــور يتخبل ، واخاف يعرف ويصير قاتل ومقتول .
_ تخاااافين تصير دم وما تخافين اذا يعرف اخته
حالها من حالهممم ضمت علية هيج خبرور شيصير بي
راح ياخذون شهد من انووووور انتِ غبية دُر غبية .

سديت الخط منها وركضت على غرفة انــور دگيت الباب ودخلت
جان يبدل ويعدل بشعره مبين يريد يطلع صرخت ومثل السعفة ارجف
_ انوووور دُر خابرتني وگالت ضروري احجي الك اليوم خطوبة
شهد وتگول اذا تحب شهد اثبت حبك وتصررررف بذكاء .

دُر ...

لبست فستان عادي ودخلت عليهم حالتي مبينه بالويل
رجعت شهد من المركز مجهزينها بس دخلت ورفعت من راسها
شافتني خلت عينها بعيني وبچت هزيت راسي ورحت يمها
_ حتى ما حاولتي الخاطرة انتِ جبانة .
لزمت ايدي وخايفة امها تجي
_ خلصيني دُر راح اموووت خلصيني لا اموووت روحي
اذا اتسجل بأسم رجال ثاني المووووت ارحمممممم لچ دُر جبرتني .

طلعت وبلا وعي اي واحد منهم اشوفه وجهي ثگيل عليهم كلهمممم
كرررهتهم احي حقدت عليهم ظلموهم، ومن ابنهم رادني كلهم صاروا وياه
بقيت اكل بروحي ما احجي بس گاعدة والتلفون بيدي اتمنى اسمع خبر
لو يصير شي يقلب كلشي صار بهل يوم المصيبة
بس شفت علي الآكبر دخل اجه يمي دفعت ايده
_ عبالي تضحك من تگول روحي البيت ريــان حتى ما تنقهرين
لان راح يصير شي تنتِ ما تريدي روحي .
_ مو وقتها عيوني .
_ انت ، لا انتوا انت واخوانك هم تعتبرون روحكم زلم وجابرين اختكم
على رجال ماتريده ولا تحبه ولا تعرف شي عنه وهي تحب غيره .
_ تحبه ؟
_ اي تحب شسووووي تضربهاااا اعوووفك واهج والله
وحتى البيت ريــان ما اروح واخليك تفتر وما تحصلني .
_ اشششششششششششش .
_ شهد تحب انــور وانور يحب شهد لك علي الآكبر لا تغلطون
لا تحملون ذنبها خرررام عليك شوفهاااا لك ارفع راسك
وشوف نظرات اختك شلون مكسوووورة .

عافني وطلع شايط يريد ينفجر بس ما يگدر يذب هل عصبية بيَّ
تحمل وضغط على روحه وطلع ،شوق وشمس حاولن بس احجي
اتجاهل كلامهن ، عمتي سلام ما سلمت عليها بس هي تفتر وتضحك
وخواتها فرحانات نجحت خطتهن .

للظهر صاروا اهل بدر سيارة بعد سيارة يدخلون
علينا ولان همَّ من القرية مكانهم بعيد علينا سيرة عن سيارةً
تتأخر بالوصول ، اسلم واگعد رحت قريب من شهد اجت
عمتي تصخر بيَّ حتى ما اغير تفكير شهد ، عفتها ورحت للمطبخ
عاندت ما اخدم ولا اساعد احد ، تكتفت وكفت بعين بغضب اشوفهم
الى ان تعالت الاصوات بالاستقبال وكلها صارت تتسائل
( العريس ماكو ، بدر مختفي )

صدت بهل لحظة عيني بعين شهد ابتسمت وهي بجت ببتسامة
رحت يمها لزمت ايدي وهمست
_ هو يمكن هو خطف بدر مووو هذا المدگدگ اختصاص خطف .
_ ما ادري والله شهد ما ادري اخاف تتأملين ويطلع مو هوَّ .
فزيت على صرخت ابو بدر يصيح على باقي الولد يريدهم يشوفون
وين راح بدر وكل شوية ابوهم يفهم عمي
_ والله يا ابو حسن هو رايد هل زواج وهل نسب وفرحان
وطلع قبلنا كلنا بسيارته حتى يوصل هنا ويشتري العروس ورد .

بعدهم يحجون وركضت من سمعت شخطات السيارة وصياح صار
زلزل قلوبنا قبل مسامعنا ، فتحت الباب واشوف انــور دخل عليهم
بضخامته وهيبته وبشكله المخيف وبهل لحظة حسيت اخوية
شكله فعلاً من اهل العصابات والمافيات لابس اسوي بـ اسود
بارد الوشوم بشكل مخيف ، وبيده اسلاح والثاني بيها رمانة يدوية
انــور : تأخرت عليكم اجه العريس .

عمي ركض دفعه يطلع بي برا وانور فتح التيشيرت وشوفهم اسم
شهد موشوم بالجديد على صدره وصاح بعالي صوته
_ اني انــور ابن يوسف الرياش اريد بنت صفوان ابو حسن
على سنة الله ورسولة اني رايدها والبنية تريدني واهلها رافضين
وزواجها هذا جباري وعلى موتي يصير .
سحب انــور ايد عمي يخلي المسدس بيده ويضرب على صدره
_ لوووو تمووووتني وتخلصني وبعدين تزوجهاااا ولا محولل ولا موهوب
ما ابريكم الذمة اليوووووم الدين ، لو انا اليوم بهل رمانة اليدوية
اسويهااااا مجزوة جماعية زلمكم ونسوانكم وجهالكم ، لووو تنطيني
الي رايدهاااا كلبي بنتك شهد .

اريد اذلع ركضت عمتي صرخت عليَّ بخوف
ام حسن : اي روحي خلي يصيرررر خررررروف رووووحي .
دُر : اي تدللين .
كملت كلامي وقبل لا اطلع صحت نرجس
دُر : نرجس استلمي سراج الدين .

حجتها وسحبت الشال على راسي وطلعت التفتت علي الآكبر
وجود اجه عليَّ يريد يفوتني صارت عيوني على خواني
وعمي يدفع السلاح على اسم شهد الي بارز على قلب انــور .

دُر : جــود مو تحب شهد بس فوت جرب تسألها
بدون خوف بدون تهديد لا تجبروها والله تحبه .
جــود : فووووتي دُر علي الآكبر راح يخلي ضيم گلبه بيچ .
اجه علي الآكبر لزمت أيده اتوسله
_الخاطري من تشوفهم شوفني احترامهم من احترامي
اذا تهينون اخوتي تهينوني ، واذا تهينوني ما اگدر اظل هنا
لا تكسرررررهم ولا تكسرررني لا تخليهم يخسرون حتى لا تخسرررني .

هجم حسن وعز الدين اكبار اخوانه على انــور وريان يحاجز بيهم
يخاف ينضرب انــور ويدفع بيهم ضرب حسن انــور على وجهه
وانور يهدد بي ما مهتم
_ اضررربوني مايهمني بعد اضرررربني صيح اغلط مناااا ما اروووح .
ابو حسن : لا تخليني اخليهم كلهم يهجمون عليك بنتي خطوبتها اليوم .
انــور : وبدو ماحو تزوجها الخيال بدر .
ايو حسن : وين الولد ولك وين الززززلمة .
انــور : بالحفظ والصون بس شوفته الوشم وخليته
بمكان امااااان بين ما نخلص تنطيني بنتككككك .

ابو بدر : رجع ابني لاااا ابلغ عليك .
انــور : اذا عبالك اخاف انا ما اخاف بس من الله احفظ هل نقطة عدل
لو اخاااف وجبان هسة اني موووو هنااااا اني انطيت وعد
لبنتك شهد ماتصير الزلمة غيررري واني اخذهاا اخذها وكلمتي
ما تخيب اخذتهاااا مني كلمة زلمة مااااااا اثنيهاااااا .
حسن : ماعندك يمنا حرمة وروووح منااااااا ابن الرررررياش .

هو كمل وشخطت سيارات ست سيارات بالتمام تاهو اسود عالية
مقابيل بابهم ونزل ابوية يسد بالسترة وياه زلم من كل السيارات
نزلوا كلهم لابسين رسمي ، التفت ريــان وانور بذهول
متعجبين شنو ؟ وشلون ؟ وكف ابوية واخذ ايد انــور صار وراه
وتقرب من عمي وبصوت واضح واثق گال
_ بيت الرياش كلها اجت تطلب ايد بنتك تنطيها .

بعيون الغضب عمي جاوبهم
ابو حسن : عندي ثار وياكم .
يوسف : وانا اساعدك تاخذ ثارك من المقصود .
ابو حسن : بنية ما انطي روووحوا منااا .
يوسف : خلي هل زلم والشيوخ كلها شاهدة
ذنب ابني وبنتك برگبتك اليوووووم الدين وراح تتحاسب عليهم .
يوسف : اخذ ابنك وروح مناااا .

رفع انــور اصبعه يحجي بزود وثقة اكبر وشموخ عالي
_ من هل بيت اليوم اطلع او جثة لو اخذها وأسجلها بأسمي .
لزم ايد ابوية ودفعها على صدره وصاح ولاول مرة بحياتي
اشوف انــور منهار دموعه تنزل على خدة وضعه يبچي العدو
_ رايدهاااا واحبها ، بدر لا يعرفها ، ولا حبها ، ولا تندم وفكر بيها
بيوم ، ولا هي تعرررفه ولا تحبه ولا تريده اريددددها اني اريدها
حبيتها عمي والله حبيتها حرام عليك ابوووس ايدك ابووووس ايدك
لا تكسرررني اني وياها وافق لا تخلونا نغلط وافق .
يوسف : انت طلبت وانا موافق انطيك بنتي .

يتبع....